Milaka pertsona bildu dira Bilbon euskal industriaren defentsan
Milaka pertsona manifestatu dira larunbat honetan Bilbon euskal industriaren defentsan eta azken aldian euskal industrian iragarri dituzten itxieren eta murrizketen aurka (altzairuaren sektorekoak, kasu), ELA, LAB, CCOO eta UGT sindikatuek deituta.
Martxa bukatu ostean, antolatzaileek azpimarratu dute "industriarik gabeko herrialdea, etorkizunik gabeko herrialdea" dela, eta ohartarazi nahi izan dute milaka familien etorkizuna "dudazkoa" dela.
Manifestazioa eguerdiko hamabietan atera da Jesusen Bihotza plazatik "Gure industriaren defentsan. Industria politika erreal baten alde" lelopean, eta Areatzan bukatu da. Aipatutako sindikatuez gain, Steilas, ESK edota LSB-USO sindikatuek ere deialdiarekin bat egin dute.
Metalgintzako federazioen ekimenez egin da mobilizazioa, euskal altzairugintzak bizi duen egoera zailaren harira; une honetan ekoizpena etenda duten ArcelorMittal Sestao eta ArcelorMittal Zumarraga lantegiak horren lekuko.
Protestarekin bat egin dute politikako hainbat ordezkarik ere; besteak beste, Itxaso Atutxa, EAJko BBBko presidentea; Idoia Mendia, PSE-EEko idazkari nagusia; Nerea Llanos PPko idazkari nagusia; Hasier Arraiz, Sortuko presidentea, eta Eduardo Maura, Podemoseko senataria.
Manifestazioa bukatu denean, antolatzailek ohar bat irakurri dute euskaraz eta gaztelaniaz, eta "industria politika" baten gabezia eta "botere ekonomikoarekiko gobernuek duten mendetasuna" salatu dute. "Industriarik gabeko herrialdea, etorkizunik gabeko herrialdea da", azpimarratu dute.
Hala, ELAko Unai Martinezek "epe motzetik haratago doan industria politika" izatea eskatu du. CCOO sindikatuko Unai Sordok, berriz, industria defendatzeko "instituzioen arteko" konpromiso bat egotea eskatu du, zeren, esan duenez, "industria galtzen duen herrialde batek bere ekonomia desorekatzen du".
LABeko idazkari nagusi Ainhoa Etxaideren esanetan, herrialde baten inbertsiorik onena industria da, "etorkizun ekonomikoa eta enplegua" ziurtatzen baititu. Aldi berean, UGT sindikatuko Raul Arzak azpimarratu du industria-enpresek beti eskaintzen dutela kalitate gehiago duten lanpostuak.
Alderdi politikoei dagokienez, Itxaso Atutxak (EAJ) ziurtatu du bere alderdia "lanpostu bat zalantzan, kolokan dagoen tokian" han izango dela. EH Bilduko Hasier Arraizek Eusko Jaurlaritza kritikatu du, industria-politika bat ez izategatik, eta, aldi berean, "Madrileko betoei aurre egiteko" subiranotasuna izatea eskatu du.
Idoia Mendia PSE-EEko idazkari nagusiak gogorazi du Jaurlaritzak daukala industriaren eskuduntza "esklusiboa", eta EBri eta Espainiako Gobernuari neurriak eskatzea baino "askoz gehiago" egin dezakeela. Nerea Llanos PPko ordezkariak ere Jaurlaritzari eskaera zuzendu dio, eta autogobernua erabil dezala eta gainerakoei erruak botatzeari utz diezaiola esan dio.
Podemosen partetik, Eduardo Maurak industriak sektore estrategiko gisa duen garrantzia nabarmendu du, "euskal gizartearen etorkizunaren eta ongizatearen zati bat jokoan dagoelako".
Tapia: Eusko Jaurlaritzak "beti izan du" bere industria-politika
Arantxa Tapia Ekonomiaren Garapen eta Lehiakortasun sailburuak gaur Bermeon ziurtatu duenez, Eusko Jaurlaritzak "beti izan du" berezko industria-politika bat, industriak herrialdearen bizkarrezurra izan behar duela sinetsita. Hala, bere hitzetan, politika horrek nazioartekotasuna eta berrikuntza bultzatzen ditu, eta euskal enpresei laguntza emateko tresna ekonomikoak eskuragai jartzen ditu.
Nahiz eta altzairuarena bezalako sektoreek zailtasunak dituzten, Tapiak gogoratu nahi du industria hazten ari dela, 2016ko lehen hiruhilabetekoan izandako datuek adierazten dutenez, % 18 igo baitira eskariak.
Zure interesekoa izan daiteke
EAEko ekonomia % 2,2 hazi da iazko martxotik aurtengora, zerbitzuek eta eraikuntzak bultzatuta
12.434 lanpostu sortu dira urtebetean Euskal Autonomia Erkidegoan. Enpleguaren urte arteko bilakaera positiboa izan da eraikuntzan (% 1,2) eta zerbitzuetan; aitzitik, % 0,2 egin du atzera industrian eta lehen sektorean.
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.
Igor Arroyo: "Denek izan behar dute euskara ikasteko aukera, baina zerbitzu publikoan egonkortzeko beharrezkoa da euskararen ezagutza"
LAB sindikatuko koordinatzaile orokorrak CC.OO. sindikatua kritikatu du. euskararekiko duen jarreragatik Bere ustez, sindikatu horrek "akats galanta" egin du, ez bakarrik CC.OO ELA eta LABengandik urruntzen duelako, "euskal langileengandik" urruntzen duelako baizik.
Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin duenez, bi dimisioak medikuen grebaren eta lanuzteak eragiten ari diren presio asistentzialaren ondorioz etorri dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.