Tapia eta ACBren batzordea, 'ildo beretik', Arcelorren asmoen aurrean
Arantxa Tapia Eusko Jaurlaritzako Ekonomiaren Garapenerako eta Lehiakortasunerako sailburuak Sestaoko ACB lantegiko enpresa batzordeari esan dionez, Jaurlaritzak ez du "enplegua eta ekoizpena" bermatuko ez duen planik "babestuko".
Sailburua Sestaoko altzairutegiko langile ordezkariekin bildu da goizean, eta ArcelorMittalek dituen asmoen aurrean, "ildo bereko" jarrera dutela agertu dute biek, Juan Carlos Diaz enpresa batzordeko presidenteak bilera amaitutakoan azaldu duenez.
ArcelorMittalek Sestaoko lantegia berriz zabaltzeko plana aurkeztu zuen joan den astean. 10.000-12.000 tona produzitzea izango litzateke multinazionalaren asmoa, asteburuetan lan eginda, bolumen gutxiko ekoizpenerako industria-egitura berria ezarrita eta soldaten "jaitsiera garrantzitsuarekin". Plana hau baztertu dute hasieratik langileek.
Bileraz jositako astea izaten ari da honakoa ArcelorMittalen auzian. Arratsaldean, Tapia sailburua zuzendaritzarekin bilduko da, eta enpresa batzordeak ere hitzordua du ACBko buruekin, plan industrialarekin batera gauzatuko duten "plan sozialaren xehetasunak" bertatik bertara ezagutzeko.
Goizeko bileran Tapiak langileei adierazi dienez, Jaurlaritzak ez du "enplegua eta ekoizpena" bermatuko ez duen planik "babestuko".
Enpresa batzordeko presidentearen hitzetan, zuzendaritzak "oso altzairu zehatzekin" egin nahi du lan, baina horiekin ez zaio "orain arteko ekoizpen mailari" eusten. "Ezin gara hilabetean lau edo sei egun lan egiten ibili, beraz, ekoizpena osatzeko beste altzairu bobina batzuk ekoitzi beharko ditugu", ohartarazi du Diazek.
ArcelorMittalen asmoen aurrean, langileek eta Jaurlaritzak "ildo bereko" jarrera dutela nabarmendu du Diazek. Haren esanetan, "Tapia ez dute engainatuko, eta ekoizpen berezituen, produktu berrien eta berrikuntzen inguruan hitz egiten diotenean ez diote ziria sartuko".
Enpresa batzordeko presidenteak esan duenez, Jaurlaritzaren inbertsioak ongietorriak izango dira, baina "ekoizpen maila jakin bat eta enplegua bermatuta".
Guzti horrengatik, zuzendaritzak aurkeztutako plana baztertu du enpresa batzordeak, "fabrika ixteko lehen pausua litzatekeelako".
Zure interesekoa izan daiteke
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.