Aristrain familiak atzerrian ezkutatu zuen bere ondasunaren zati bat
Aristrain familia, 'euskal familia handietako' bat, ageri da 'Castellanako paperak' deitu dituzten horietan. Madrilgo kale ezagun horretan egoitza duten zerga aholkulari bulegoetatik filtrala.org helbidera bidalitako milaka dokumentu oinarri hartuta, ikerketa egin dute eldiario.es, La Marea eta Diagonal hedabideek, eta Espainiako dozenaka enpresaburuk eta konpainiak ustez egindako zerga-iruzurra azalarazi dute.
Hiru atari horietan astearte honetan zabaldutako informazioaren arabera, siderurgia alorreko enpresaburuaren familiak dirutza gorde zuen atzerriko hainbat paradisutan Espainian zergak ordaintzea saiheste aldera.
Paper horien arabera, Jose Maria Aristrain Noain familiaren patriarka zenak hainbat 'offshore' sozietate sortu zituen 60ko hamarkadan Liechtensteinen. Zehazki, bi stiftung sortu zituen, eta Suitzako banketxeen bidez kudeatu zituen urte luzez. Sozietate horiei esker, dirutzaren jabearen izen-abizenak ezkutuan geratzen dira.
Hura hil zenean, 1986an, Angeles Aristrain de la Cruz alabak herentzian jaso zituen ezkutuko sozietate horiek. eldiario.es-en arabera, 2015ean ia 19 milioi euro zituen familiak Europako zerga-paradisu horretan. Guztira, baina, baliteke 50 milioi euro izatea gordeta.
2012an Espainiako Gobernuak zerga-amnistia eskaini bazuen ere, Aristrainek ez zuen dirutza legeztatu. Iazko udan, ordea, Madrilgo Bankuak egindako kontu-hartze bat tarteko, legeztatzeko izapideak abiatu zituen Angeles Aristrainek.
Enpresaburu ezagunaren beste seme bat, Jose Maria Aristrain de la Cruz, ere, susmopean du zerga-agintaritzak. 103 milioi euroko iruzurragatik ikertzen ari da.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.