Tapiaren arabera, ez dago inolako itunik ACBrekin laguntzak emateko
Arantxa Tapia Ekonomiaren Garapen eta Lehiakortasun sailburuak nabarmendu duenez, Eusko Jaurlaritzak ez du aurreakordiorik ArcelorMittalekin Sestaoko ACBk laguntza publikoak jaso ditzan. Halaber, Tapiak gogorarazi du enpresak egiten dituen inbertsioen kostuaren % 75 jarri beharko duela diru-laguntzak jaso ahal izateko.
Bilbon egindako prentsaurrekoan, sailburuak esan du positiboa dela ACB berriro irekitzea, irailaren 9tik aurrera, nahiz eta bakarrik asteburuetan zabalduko duten eta lantaldearen erdiak bakarrik lan egingo duen.
Tapiak berretsi du ArcelorMittalek aukera duela programa jakin batzuen bidez diru-laguntzak jasotzeko, Euskadiko gainerako enpresek ere eskuragarri dituzten programen bidez, hain zuzen ere. Arcelorrek laguntza jasoko du kalitatezko proiektuak aurkezten baditu, "baina ez dago aurreakordiorik", adierazi du. Gainera, ArcelorMittalek datorren urteko deialdian eskatu beharko ditu laguntzak, aurtengoak itxita baitaude.
Balizko diru-laguntzak
ACBk diru-laguntza hauek eska ditzake: langileen prestakuntzarakoak, energia aurrezteko balio dutenak eta, handienak, ikerketa eta garapen proiektuetarako laguntzak. I+G (Ikerketa eta Garapena) bultzatzeko bi proiektu (26 milioi euroko proiektuak) zituela esan zion uztailean Arcelorrek Eusko Jaurlaritzari. Laguntza horiek zehazteko, inbertsioa zenbaterainokoa den hartu behar da kontuan, eta gehienez ere horretarako behar den inbertsioaren % 25ekoa izan daiteke. Hortaz, enpresak gainerako % 75a jarri beharko luke, diru-laguntzak jaso ahal izateko, sailburuak azaldu duenez.
"Laguntzak jasotzeko, enpresak inbertsio nabarmena egin behar du, eta enpresak hala ulertu du", esan du Tapiak. Gaur ez du kopururik eman, baina uztailean aurreratu zuen diru-laguntzak 4-5 milioi eurokoak izan litezkeela.
Baldintza horiek gogorarazi baditu ere, Tapiak berretsi egin du konpainiari laguntzeko prest daudela, lantegiaren etorkizuna bermatzeko, eta pozik agertu da berriro irekiko dutelako.
Langileak zoriondu ditu
Tapiak langileak zoriondu ditu egindako ahaleginagatik; izan ere, bakarrik asteburuetan egingo dute lan, argindarraren tarifa merkeena baliatzeko (ACBko labeak argindarra erabiliz dabiltza), eta langileen erdiek bakarrik egingo dute lan.
Halaber, ACBko zuzendaritza ere zoriondu du sailburuak; izan ere, jarraitzearen aldeko apustua egin du, egoera zaila bazen ere. ArcelorMittal multinazionalaren barruan dago ACB, eta Arcelorrek ere "barne-orekak" ditu, Tapiaren hitzetan.
"Guztien artean, batzordeak, zuzendaritzak, erakundeek, ahalegin handia egin da; erabakia guztiz bestelakoa izan zitekeen", nabarmendu du.
Rementeriaren iritziz, "lehen urratsa" da berriro irekitzea, baina industria-plan "globala" eskatu dio Arcelorri
Unai Rementeria Bizkaiko ahaldun nagusiak, aldiz, esan du "lehen urratsa" dela ArcelorMittalen erabakia (asteburuetan irekitzea), baina Sestaoko lantegirako industria-plan "global" bat eskatu dio multinazionalari.
Diputazioak udako oporraldiaren ostean egindako lehen gobernu kontseilua amaituta, Rementeriak esan du lehen urrats hau "ezinbestekoa" zela lantegiaren etorkizuna bermatzeko, baina Aldundiaren apustua lantegiaren produkzio-gaitasuna erabat berreskuratzea dela nabarmendu du.
ArcelorMittalek ACB altzairu-fabriketako ikerketa eta garapenean eta produktu berrietan "erreferente" bilakatu nahi izatea azpimarratu du ahaldun nagusiak, baina "bideragarritasuna bermatzeko urrats gehiago eta lantegiaren etorkizuna epe ertainean eta luzean bermatzen duen produkzio nahikoa" eskatu ditu. Rementeriak industria-plan "globala" eskatu dio berriro ArcelorMittali, jarduera eta kalitatezko enplegua sortzeko.
Bizkaiko ahaldun nagusiaren esanetan, Bizkaiko Foru Aldundia prest dago enpresarekin eta langileekin batera lan egiteko, "Ezkerraldean, Bizkaian eta Euskadin funtsezkoa den lantegi honen etorkizuna bermatzeko", bereziki Diputazioak bere eskumenen artean dituen zerga-kenketa batzuk aztertzeko, I+G (Ikerketa eta Garapena) bultzatzeko proiektuetan.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.