Arcelor: 'Jaurlaritzarekin akordiorik ezean, ez dugu ACB zabalduko'
Eusko Jaurlaritzarekin akordiorik izan ezean, ArcelorMittalek Sestaoko ACB zabalduko ez duela jakitera eman du gaur. Ildo horretan, Jaurlaritzaren laguntza "nahitaezkoa" dela esan diote enpresako iturriek Europa Press albiste agentziari.
Arantza Tapia Ekonomiaren Garapen eta Lehiakortasunerako sailburuari erantzun dio horrela Arcelorrek; izan ere, Jaurlaritzarik lantegia berriro zabaltzeko "presarik ez" duela eta enpresak "bere zain" egon beharko ez lukeela esan du sailburuak.
Horren ostean, Eusko Jaurlaritzaren laguntza derrigorrezkoa dela esan du enpresak eta "Jaurlaritzarekin akordiorik lortu ezean, enpresa ezin izango dutela zabaldu" ohartarazi dute.
Tapia: "Guk ez dugu presarik"
Bestalde, Arantza Tapia Eusko Jaurlaritzako Ekonomiaren Garapen eta Lehiakortasuneko sailburuak esan duenez, eurek ez dute "presarik" lantegia berriro zabaltzeko, eta Arcelor bera ez litzateke "zain egon behar Jaurlaritzak laguntzen inguruan zer esango".
Radio Euskadiri bart eskainitako elkarrizketa batean aitortu duenez, "oso zorrotzak" izango dira altzairutegiarekin, "Zumarragan egin duena Sestaon egingo ez duela frogatu behar du", azaldu du.
Tapiaren hitzetan, "Jaurlaritzaren laguntza osagarria da, baina ez ezinbestekoa. Guk ez dugu presarik. Lantegia Arcelorrena da, zabaldu nahi badu, bihar bertan egin dezake, langileen babesa baitu".
ArcelorMittal konpainiari "jarraikortasun eta lan bermeak" eskatuko dizkiotela zehaztu du Ekonomiaren Garapen eta Lehiakortasun Saileko buruak. "Hemen egin behar dituzte inbertsioak, produktuak ere hemen ekoitz behar dituzte. Lantegi lehiakorra izaten jarraitu behar dugu", erantsi du.
Hori horrela, altzairutegiaren egitasmoa "albait arinen eta ahalik eta zorrotzen" aztertuko dutela nabarmen du Tapia sailburuak.
Egitasmoan jasotako baldintza
Modu berean, zehaztasun hau ostegun honetan Juan Carlos Díaz enpresa batzordeko presidentearekin sinatutako akordioan jasotzen dela esan du eta ondoren, langileen asanbladatik ere pasatu zela aipatu du. Akordioan, erakundeen eta agente sozialen inplikazioari dagokionez, mahai gainean dagoen plan soziala, industria planean aurreikusten diren aldagarri guztiak betetzearekin baldintzatuta dagoela zehazten da.
Arcelorrek bestalde fababrika zabaltzeko bi baldintza jartzen dituela esan du bai langileekin, bai Eusko Jaurlaritzarekin akordiora heltzea. Jaurlaritzarekin akordiorik ez badago, “lantegia ez da berriz zabalduko”, gaineratu dute.
Jarraitzeko bermeak
Eusko Jaurlaritzak lantegiak jarraitzeko eskatzen dituen bermeen aurrean, enpresak luzarorako lantegia zabaltzeko bokazioa duela esan du.
Lantegia otsailetik dago geldirik.
Enpresatik esan dutenez, merkatuaren egoerak hala uzten badu, Arcelorren helburua produkzio bolumena eta, balio erantsiko produktuen zorroa handitzea direla esan dute. Gainera, aldi baterako lan erregulazio espedientera pasatuko direnen langile kopurua baino gehiago kontratatzea ere.
Bestalde, lantegia zabaltzen denerako 12 orduko lanorduak ez egiteko, enpresa batzordeak lantalde gehiago sartzearen eskaria, ostegunean, enpresa batzordearekin eztabaidatu zen kontua dela esan du enpresak. Hala ere, instalazioetan ahalik eta geldialdi gutxien egingo direla bermatzeko eta, makinen erabilgarritasuna ahalik eta gehien aprobetxatzeko planteamendua dauka enpresak eta beraz, “Eskaera hori, ezinezkoa da”, gaineratu du.
Zure interesekoa izan daiteke
Sare elektrikoetan inbertsioak handitzea "ezinbestekoa" dela uste du Galanek (Iberdrola)
Plantillaren mobilizazioaren erdian, ELAk langileen erosteko ahalmenaren galera eta enpresaren jarrera kritikatu ditu; izan ere, deitoratu duenez, hitzarmen kolektibo berria 16 hilabetez negoziatu ondoren, "ezin da atzerakoiagoa izan".
Itxasok dio Bilduri "musika berria" entzun diola etxebizitzaren arloan eta Jaurlaritzarekin "bateragarria" dela
Sailburua eta EH Bilduko kideak Eusko Legebiltzarrean izan dira ostiral honetan, etxebizitzaren krisia eta etxebizitza arloko politikak aztertzea helburu. Bileraren ostean, Pello Otxandianok Jaurlaritzarekin "desadostasunak" daudela onartu du, baina baita "kointzidentziak" ere.
Denis Itxasok EH Bilduko ordezkariak hartu ditu etxebizitza arloko krisiaren inguruan hitz egiteko
Eusko Jaurlaritzako Etxebizitza eta Hiri Agendako sailburua, Denis Itxaso, eta EH Bilduko Eusko Legebiltzarreko bozeramailea, Pello Otxandiano, ostiral honetan bildu dira Eusko Legebiltzarrean, etxebizitzaren krisia eta etxebizitza arloko politikak aztertzea helburu. EH Bilduk Posible 30K ekimena aurkeztu dio bertan sailburuari; etxebizitzaren arloko bere proposamenak jasotzen dituena. Etxebizitza sailburuorde Miguel de los Toyos eta EH Bilduren Programa idazkari Nerea Kortajarena ere izan dira bileran.
Gasteizko Mercedes-Benzek eten egingo du gaur arratsaldeko ekoizpena, hornidura faltagatik
Fabrikako zuzendaritzak jakinarazi duenez, Marokoko Tanger hiriko portuaren "salbuespenezko" blokeoaren ondorioz, Gibraltarko itsasartean itsas trafikoa geldiarazita dago, eta horrek hornidura-katea kolapsatzea ekarri du; arazo horrek bereziki lantegiaren kable-hornitzaileari eragin dio.
Gipuzkoako Ogasunak ohartarazi du iruzur saiakerak ematen ari direla SMS mezu bidez
Gogorarazi du ez duela horrelako jakinarazpenik egiten SMS bidez, eta ez duela informazio konfidentzialik eskatzen.
Jaurlaritzak babes ofizialeko etxebizitzen salerosketan "bitartekari lanak" egingo ditu, ezkutuko gainprezioak saihesteko
Esleipena ez da egongo partikularren arteko "akordio pribatuen mende", eta Etxebideren bidez bideratutako prozedura baten bidez egingo da. "Guk esango diogu nork erosiko dion", azaldu du Itxasok.
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.