Sestaoko ACBko enpresa batzordea Arcelorrekin bilduko da gaur
Sestaoko (Bizkaia) ACB altzairutegiko enpresa batzordeko kideak gaur bilduko dira ArcelorMittal enpresako zuzendaritzarekin. Batzarrean lantegia berriz zabaltzeko lan-egutegia aztertuko dute bi aldeek, eta langileen ordezkariek hirugarren txanda bat eskatuko dute 12 orduko lanaldiak saihesteko, Juan Carlos Diaz enpresa batzordeko presidenteak jakinarazi duenez.
Arcelorrek prestatutako Plan industrial eta soziala sinatu zuen ostegunean enpresa batzordeak, langileek hala erabaki ostean. Horren arabera, lantegian 12.000 tona ekoitziko dituzte hilean, asteburu batzuetan bakarrik irekita eta langileen erdiarekin.
Diazen hitzetan, egitasmo horrek jasotzen duen puntuetako bat aldatzen saiatuko dira, 12 orduko lanaldia ezartzen duena, alegia. Hori saihesteko, langileen hirugarren txanda bat osatzea eskatuko diote ArcelorMittaleko zuzendaritzako kideei. Horrez gain, hobetu eta doitu daitezkeen beste gai batzuk eramango dituzte batzarrera.
Langileen ordezkariak azaldu duenez, oraindik ez dakite noiz zabalduko dute lantegia berriro.
ArcelorMittalek, bestalde, argi utzi du hirugarren txanda bat eransteko aukera enpresa batzordearekin eztabaidatutako kontua dela, baina gaur-gaurkoz "ez da bideragarria". Izan ere, konpainiaren asmoa instalazioetan ahalik eta geldialdi gutxien egitea eta makinen erabilgarritasuna ahalik eta gehien aprobetxatzea da.
Mehatxua ere egina du konpainiak: Eusko Jaurlaritzarekin akordiorik izan ezean, ArcelorMittalek ez du Sestaoko ACB berriz zabalduko.
Zumarraga
Bestalde, Zumarragako ArcelorMittaleko langileen ordezkariek enegarren bilera dute gaur zuzendaritzarekin. Azken hitzorduan, ez zuten akordiorik lortu borondatezko bajen eta aurretiazko erretiroen gainean.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.