'Euskal Y' trenbideko lanen planifikazioari ezetza eman dio Kongresuak
Espainiako Diputatuen Kongresuak ezetza eman dio EAJk astelehen honetan aurkeztu duen ekimenari. Horren bidez, 'Euskal Y' trenbidea amaitzeko geratzen diren lan guztien planifikazioa aurkeztea eskatu nahi zion Espainiako Gobernuari. Halaber, Euskadiko erakundeekin batera proiektu hori hitzartzeko asmoa zuten jeltzaleek.
Alderdi Popularrak, Podemosek eta Talde Mistoak ezetza eman diote proposamen horri. Alabaina, jeltzaleek PSOE eta Ciudadanos alderdien zuzenketa batzuk onartu dituzte eta aurkeztutako testua euren babesarekin adostu dute.
Aitor Esteban Diputatuen Kongresuko EAJren bozeramaileak Legez besteko proposamen horri uko egin izana kritikatu du. Era berean, trenbidearen lanak asko atzeratzen ari direla deitoratu du, eta Euskal Y trenbidea 2019an martxan jartzeko ezarri ziren epeak “bete ezinak” direla gaineratu du. Arrazoi horregatik, “lanak amaitzeko geratzen diren azpiegitura eta gainegitura guztien planifikazioa aurkeztea” eskatu du.
Halaber, Espainiako Gobernuak Eusko Jaurlaritzarekin dituen harremanak hobetzeko konfiantza duela esan du Estebanek.
Legez besteko proposamen horren bidez, Euskal Y trenbidea martxan jarri arte egiteke dauden azpiegitura eta gainegitura lan guztien planifikazioa premia osoz, eta, gehienez, hiru hilabeteko epean, aurkeztea eskatu nahi zuen EAJk.
Gainera, AHT Euskadiko hiriburuetan sartzeko eta Gasteiztik Burgos eta Iruñearekin lotzeko gainegitura eta lotuneak egiteko orduan bertako erakundeekin hitzartzea eskatu nahi zioten Espainiako Gobernuari.
Era berean, Eusko Jaurlaritzarekin hitzarmen berria ados dezala eskatu nahi zion EAJk Espainiako Gobernuari, ‘Bergarako Lotunea’ egiteko lanak eta hiru hiriburuetako sarbide eta geltokiak burutzeko lanak bertako administrazio autonomikoaren ardurapean jartzeko.
Albiste gehiago ekonomia
BBVAk ez du etsi eta Sabadell erosteko eskaintzarekin aurrera egitea erabaki du
Joan den asteartean, ekainaren 24an, Ministroen Kontseiluak oniritzia eman zion operazioari, bi erakundeek autonomia juridikoari eta eguneroko kudeaketari bereizita eusteko baldintzarekin. BBVAk onartu duenez, Espainiako Gobernuak ezarritako baldintzak operazioa "atzeratuko du".
EAEko lan-absentzien % 75 aldi baterako ezintasunak dira eta ez absentismoa, LABen txosten baten arabera
Sindikatuak salatu du “iruzur masiboa” ez dela absentismoa, baizik eta gaixotasun profesionalak gaixotasun arrunt gisa izendatzea.
Pentsiodunen mugimendua uztailaren 17an bilduko da lehendakariarekin, pentsioak gutxieneko soldatarekin berdintzea eskatzeko
Euskal Herriko Pentsiodunen Mugimenduak gutxieneko horretara iristeko osagarriak ezartzea eskatzen duen herri-ekimen legegilea erregistratu zuen Eusko Legebiltzarrean. Imanol Pradalesekin izango duten bileran legea izapidetzeko Eusko Jaurlaritza prest egon dadila eskatuko diote.
Arcellor Mittalek atzera bota du Legasa eta Aguraingo fabrikei eragingo zien enplegu-erregulazioko espedientea
Nafarroako Lan Auzitegian egin duten bitartekaritza saioan eman du jakitera erabakia zuzendaritzak. Legasako fabrikan gehiengoa duen UGT sindikatuak bertan behera utzi du deituta zegoen greba.
489 zordun handik ia mila milioi euro zor dizkiete Bizkaiko, Arabako eta Gipuzkoako Foru Ogasunei
Hiru lurraldeetako Foru Aldundiek zordun handien zerrendak argitaratu berri dituzte. Bizkaian, Jabyer Fernandezek sortutako Afer enpresa da zerrendaburu, eta Gipuzkoan, berriz, Juan Miguel eta Jose Ramon Osinalde Echaniz anaiak (40,5 milioi euroko zorra banarekin). Araban, zordun handien kopuruak gora egin du.
Villavesako langileek eutsi egin diote sanferminetan eragina izango duen grebari
Gaur bildu dira TCCko zuzendaritza eta enpresa batzordea, baina ez dira ados jarri, eta batzordeak enpresaren "jarrera immobilista" salatu du.
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.