Nazioarteko Diru Funtsak erreforma gehiago eskatu dizkio Espainiari
Nazioarteko Diru Funtsak (NDF) lan erreforma gehiago egiteko eskatu dio Espainiari, langabezia-tasa altuari eta krisiak lan-merkatuan eragindako zatiketari aurre egiteko. Finantza erakundeak txostena egin du Espainiako egoera ekonomikoa aztertu eta atzemandako arazoak konpontzeko neurriak proposatzeko.
Espainiako Gobernuak krisi garaian egindako "erreforma ikusgarriak" txalotu egin ditu NDFk, eta horiei esker ekonomia sendoagoa dela eta "susperraldi indartsua" duela nabarmendu du. Dena dela, egiturazko hainbat erronka daudela azpimarratu du Lagardek zuzentzen duen erakundeak.
Espainian egon diren NDFko adituek ohartarazi dutenez, "sortzen diren lanpostu gehienak aldi baterako dira". Ingurumaria horretan, laneko merkatuan "dualtasuna" (krisiak lan-merkatuan eragindako zatiketari esaten zaio, krisia izan baino lehen lanean ari ziren beharginen eta lan-merkatura batu direnen arteko banaketa) kritikatu du, enpleguaren ezegonkortasunari zuzenean eragiten diolako.
NDFren hitzetan, enpresaburuentzat "erakargarriagoak bihurtu behar dira kontratu mugagabeak", eta lan-erreformak eraginkorrago bilakatzeko neurriak hartzea proposatu dute adituek; enpresei kaleratzeak egiteko segurtasun juridiko eta administratibo handiagoa ematea eta lan-baldintzak kontrolatzeko eta malgutzeko aukera gehiago ematea, esaterako.
Espainiaren produktibitate baxua ere salatu du NDFk, eta hainbat neurri proposatu ditu finantza erakundeak arlo horretan ere; lehia bultzatzeko politika publikoak doitzea eta zerbitzu profesionalen liberalizazioan aurrera egitea, besteak beste.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.