Hezkuntzak 2017ko LEPan aterako diren espezialitateak jakinarazi ditu
Hezkuntza Departamentuak Hezkuntzako Mahaian dituen ordezkariek 2017ko lan-eskaintza publikoan aterako diren espezialitateak jakinarazi dizkiete sindikatuei.
Nafarroako Gobernuak ohar baten bidez adierazi duenez, Espainiako gobernuak berritze-tasa baieztatzen duenean zehaztuko da behin betiko plaza-kopurua, baina espezialitateak ez dira aldatuko.
Legez finkatutako epeen arabera, lan eskaintza publikoa otsailaren amaieran onartu behar da, azterketak uda hasieran deitu ahal izateko; ondorioz, aurreikusitako kronograma betetzen ari dira.
Ikuskaritzako plazei dagokienez, Nafarroako Gobernuak ziurtatu du zentroetako lanari eta ikasturtearen antolaketari gutxien eragiten dien unean egingo direla azterketa horiek.
Hezkuntza Departamentuak zehaztu duenez, 2015eko Foru Dekretuan onartutako plazak (bere garaian Ogasun Ministerioak errekurrituak) 2018ko martxoa baino lehen deitu behar dira; beraz, 2017ko LEPak Esku-hartze soziokomunitarioko eta Bigarren Hezkuntzako Hezkuntza-orientabideko 20 plazak eta Ikuskaritzako 14ak jasoko ditu. Lehen Hezkuntzako 73 plazak, berriz, 2018ko deialdirako geratuko dira, Haur eta Lehen Hezkuntzarako plazak eskainiko dituena.
Bestalde, oposizioak 2018ra atzeratzeak % 33ko behin-behinekotasuna ekarriko lukeela jakinarazi du Nafarroako Gobernuak. Halaber, administrazio-kudeaketan zailtasun ugari eragingo lukeela gaineratu du.
Espezialitateak aukeratzeko orduan, hainbat irizpide hartu dira kontuan, besteak beste, egungo behar nagusiak, eta lan-eskaintza publikorako deialdien erregulartasunari eustea (Lehen eta Bigarren Hezkuntza txandakatuz).
Nafarroako Gobernuaren arabera, kontuan izan dituzte beste autonomia erkidego batzuetan lehiaketara atera ez diren espezialitateak, lan-eskaintza publikoaren deialdira pertsona gehiago erakartzeko asmoz.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.