Horrelakoa izango da AHTren sarbidea Bilbon
Espainiako Gobernuko, Eusko Jaurlaritzako eta Bilbo, Gasteiz eta Donostiako udaletako teknikariek Abiadura Handiko Trena (AHT) euskal hiriburuetan nola sartuko den adostu zuten joan den urtarrilaren 26an.
Proiektuaren xehetasunak definitu egin dituzte dagoeneko, eta erabakita dago Bilbon AHTa lur azpitik sartuko dela. Lurrazpiko geltokia Abandon eraikiko dute, egungo trenbide espazioaren zati batean.
Hain zuen, Abiadura Handiko Trenbidea La Peña eta Abando arteko trenbide bikoitzeko tunel berri baten bitartez lotuko da Abandorekin (2,1 kilometro luze): Basauri-La Peña zatiaren amaieratik abiatuko da, Cantalojas tunela azpitik, egungo trenbidearen azpitik, gurutzatuta iritsiko da eta geltoki berriko pantailen gunera sartuko da.
Obrak zatika egingo dituzte, inbertsio ekonomiko handia eskatzen duelako. Lehen fasea Abiadura Handiko Trena abian jartzen denerako amaituta egongo dela aurreikusi dute.
Geltoki berria lurpean egingo da, eta trenbideak bi mailatan izango dira: -2 mailan abiadura handiko trenbideak eta nasak egongo dira (8 trenbide) eta -1 mailan RENFEren aldiriko trenbideak eta nasak (5 trenbide) eta FEVE (3 trenbide). Eraikin bakarrean egongo dira bidaiariei arreta emateko zerbitzu guztiak, eta horrekin intermodalitatea sustatuko da eta aldiriko, FEVEko eta abiadura handiko trenbidearen zerbitzuak integratuko dira. Proposatutako geltoki berria zatika jarri ahal izango da martxan.
Geltokian lurpean eginda, 90.294 metro koadroko azalera berreskuratuko dute, hiri erabilerako. Egungo trenbide espazioa bulebar handi batean bilakatuko dute eta 1.500 etxebizitza inguru eraikitzeko aukera egongo da.
Hortaz, Eusko Jaularitzak Abando ingurua eraldatzeko baliatu nahi ditu AHTren geltokia eraikitzeko lanak.
Alabaina, planteatutako diseinuarekin jaitsi egingo da urbanizazio-kota, eta horrekin hobeto integratuko da lur-saila alboko Hurtado de Amezaga eta Bailen kaleekin.
(Abandoko trenbide espazioaren azpian eraikiko dute AHTren geltokia. Argazkia: Irekia)
: Irekia)Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.