Eusko Legebiltzarrak soldata igoera orokorra eskatu du
Eusko Legebiltzarrak aldarrikatu du negoziazio kolektiboaren baitan "soldata igoera orokorra" egin beharra dagoela, krisiaren ondorioz izan den erosteko ahalmenaren galera konpentsatzeko eta "aberastasunaren banaketa justuagoa" sustatzeko.
EH Bilduk defendatutako ez legezko proposamena izan da, eta EAJren eta PSE-EEren babesa jaso du. Podemosek abstentzioa eman du testua nahikoa ez dela iritzita, eta PPk kontra bozkatu du, inora ez daramala uste duelako.
Ekimen horrekin azkeneko lan erreforma errefusatu dute, lan-baldintzak "debaluatu eta prekarizatu" dituelako. Horren aurrean, eragile sozialen arteko "oreka" bermatuko duen lan-harremanen eredua bilatu beharra dagoela uste dute, langileen eskubideak "berreskuratzeko" eta "enplegu egonkorra eta kalitatezkoa" sortzeko.
Bestalde, Eusko Legebiltzarrak negoziazio kolektiboa desblokeatzeko giltza Confebaskek urtarrilean ELArekin, LABekin, CCOOrekin eta UGTrekin lotutako akordioa dela adierazi du, euskal lan-hitzarmenei lehentasuna ematen dielako Estatukoen gainetik.
Hori horrela, akordioaren sinatzaileei eskatu diete akordioa betetzeko eta lan-hitzarmenen itunak sustatzeko.
EH Bildutik, Iker Casanovak salatu du Confebask dela lan erreforma ezartzen duen eragilea EAEn, negoziazio kolektiboaren egoeraren erruduntzat jo du, eta Jaurlaritzari "patroi txarra" dela esan dio.
Jon Aiartzak (EAJ) Jaurlaritzaren papera azpimarratu du elkarrizketa sozialean, eta soldata igoerarena negoziazio kolektiboaren arloan kokatu du.
Jon Hernandezek (Elkarrekin Podemos) uste du akordioa ez dela nahikoa, "lan harremanen kontua nola dagoen ikusita" politikariak "helduagoak" izan beharko liratekeelakoan.
PSE-EEri dagokionez, Alexia Castelok emendakina babestu du, eta "argia eta oinarrizkoa" dela esan du.
Azkenik, Javier Ruiz de Arbulok (PP) ohartarazi du "soldata igoera orokorra baldintzarik gabe eskatzea eta ezer ez esatea berdina" dela, eta lan erreforma baliogabetzearen aurka agertu da, nahiz eta aitortu "hobetu" edo "aldatu" daitekeela, egungo egoera ez delako 2012koaren berbera.
Zure interesekoa izan daiteke
Tubos Reunidosek 71,3 milioi euroko galerekin itxi du behin-behinean 2025eko ekitaldia
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBetako jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.