Euskal Sagardoa jatorri deitura duten lehen botilak merkaturatu dituzte
Arantxa Tapia Eusko Jaurlaritzako Ekonomiaren Garapena eta Azpiegitura sailburuak Euskal Sagardoa jatorri deitura berriaren aurkezpenean hartu du parte, EAEko Foru Aldundien hainbat ordezkarirekin eta sagardo ekoizleekin. Pasaiako Albaola Itsas Kultur Faktorian egin dute lehen botilen aurkezpena. 36 ekoizle bildu ditu jatorri deiturak.
Eusko Jaurlaritzak eta Euskal Sagardoak ohar batean adierazi dutenez, botila bakoitzak dagokion sagrdotegiko txartela darama, eta Euskal Sagardoaren irudia dute goiko aldean.
Hala, Euskal Herriko sagardo naturala bada, botilak dagokion berme zenbakiaz gain, sagar gorriaren irudi identifikagarria izango du.
Jatorri deitura duten botila guztiek bi ezaugarri komun dituzte. Batetik, % 100 bertako sagarrez egindako sagardoa da; bestetik, kalitate ziurtagiria dute.
Guztira, 115 sagar mota identifikatu dituzte jatorri deituraren araudian. 1.320.000 litro egin dituzte aurten, eta datozen urteetan gora egitea espero dute. Bestalde, 200 hektarea erabili dituzte lehen uzta ekoizteko.
Botila guztiek eramango duten kalitate ziurtagiriari dagokionez, Fraisoro laborategiak neurtuko du kalitatea eta Hazik egiaztatuko du prozedura. Eusko Label izendapena ordezkatuko Euskal Sagardoak.
Zure interesekoa izan daiteke
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.