Garoña berriz irekitzeko eskaera berretsi du Nuclenorrek
Santa Maria Garoña berriz ireki eta ustiapen baimena luzatzeko egindako eskaera berretsi du ostiral honetan zentral nuklearraren jabe den Nuclenorrek. Izan ere, ez du horren etorkizunaren inguruko akordiorik lortu Iberdrola eta Endesa akziodunekin (bakoitza horren erdiaren jabe da). Alegazioak aurkezteko orduan ere ez dira bat etorri bi akziodunak.
Nuclenorreko batzar nagusia ostegunean bildu zen, eta, beste gai batzuen artean, Iberdrolak egindako eskaera bozkatu zuten bertan. Zehazki, Espainiako Energia Ministerioari zentral nuklear horretako jarduera berreskuratzeko baimena ez eskatzea proposatu zuen.
Iberdrolaren esanetan, ez badute Garoña ustiatzeko eskaera bertan behera uzten, baliteke Ministroak Nuclenorri ematea zentral nuklearreko jarduera berreskuratzeko baimena. Epea abuztuaren 8an amaituko da, eta, Espainiako Gobernuak erabaki hori hartuko balu, jabeek Garoña berriro martxan jartzeko beharrezkoa izango litzatekeen inbertsioa egin beharko lukete, ekonomikoki bideragarria izan ez arren.
Arrazoi horregatik, jarduera berreskuratzeko eskatutako baimena bertan behera uztea da egun dagoen aukera bakarra.
Beste alde batetik, egun batetik bestera eskaera horri uko egiteari ezetz esan zion Endesak, eta zentral nuklearra bideragarria izan dadin alegazioak aurkeztea proposatu zuen. Hala egin ezean, konpainia horrek Garoña berriro irekitzeko inbertsioa egitea erabaki lezake Espainiako Gobernuak.
Dena dela, Iberdrolaren ustez Garoña berriz irekitzeko eskaerari uko egitea da irtenbide bakarra, Espainiako Gobernuak zentral nuklearra ustiatzeko baimena ematen badie ikuspegi juridiko batetik ezin izango dutelako erabaki horren kontra ezer egin. Ondorioz, ustiapen baimena luzatzeko aukera egongo litzateke, ekonomikoki bideragarria izan ez arren, konpainia horrek behin baino gehiagotan ziurtatu duenez.
Ignacio Sanchez Galan Iberdrolako presidenteak zentrala berriz irekitzeko eskaera ez egiteko galdegin zion Endesari martxoan, akziodunen aurrean, eta zentral nuklearra ez dela bideragarria nabarmendu zuen.
Espainiako Energia Ministerioak Garoñako zentral nuklearraren etorkizunari buruzko alegazioak aurkezteko epea ireki zuen uztailean, berriro zabaltzea edo betiko ixtea erabaki aurretik. Espainiako zentral nuklearrik zaharrena da, eta 2012tik geldirik dago.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.