Ronaldok ziurtatu du ez duela 'inoiz ezer' ezkutatu
Cristiano Ronaldo Real Madrilen jokalari portugaldarrak Pozuelo de Alarcongo 1 zenbakiko Instrukzio Epaitegira jo du gaur, astelehena, 11:10 aldera, deklaratzeko, Ogasunari 14,7 milioi euroko iruzurra egitea leporatuta. Ronaldok, Epaitegitik irten ondoren zabaldutako prentsa-ohar baten bidez esan duenez, ez du "inoiz ezer" ezkutatu, eta ez du "zerga-ordainketari ihes egiteko asmorik" izan.
"Ogasun espainiarrak nire diru-sarreren zehetasunak ezagutzen ditu, guk entregatu dizkiogulako; ez diot inoiz ezer ezkutatu, eta ez dut zerga-ordainketari ihes egiteko asmorik izan".
Oharraren arabera, "beti egiten dut errenta aitorpena modu boluntarioan, uste dudalako denok aitortu behar dugulako (irabazitakoa) eta zergak ordaindu, gure diru-sarreren arabera. Ezagutzen nautenek, badakite zer eskatzen diedan ahokulariei: dena egunean izatea, ordainduta egotea, ez dudalako arazorik nahi".
Madrilgo Justizia Auzitegi Nagusiko zenbait iturriren esanetan, jokalaria "oso lasai" egon da deklarazioan, ordu t'erdiz deklaratu du -11:30 inguruan hasi eta 13:00ak aldera bukatu- eta uko egin dio itzultzailea izateari.
Bestalde, Ogasun Ministerioko Teknikariek (Gestha) azaldu dutenez, eskuartean dituzten zantzuen arabera, Cristiano Ronaldok ustez egindako iruzur fiskala "Leo Messik egindako baino larriagoa da". Messik 21 hilabeteko kartzela-zigorra jaso zuen horregatik.
Gesthak ohar baten bidez emandako azalpenen arabera, Ogasun Publikoari 14,7 milioi euroko iruzurra egitea leporatu diote Cristiano Ronaldori. Messik 2007 eta 2009 bitartean 4,1 milioi euroko iruzurra egiteagatik zigortu zuten, hau da, Ronaldok baino askoz diru gutxiago.
Hala, Ronaldoren ustezko iruzurra Messik egindakoren hirukoitza da, nahiz eta Bekham Legeaz baliatu eta onura fiskalak izan zituen. Messik, ordea, ezin izan zion Lege horri heldu eta, hortaz, zerga gehiago ordaintzea eskatu zioten.
Oraindik auziaren instrukzioa egiten ari direnez, saioa ateak itxita egin da saioa, Prozedura Kriminaleko Legeak ezartzen duenaren arabera.
Auziak sortutako ikusmin handia kontuan hartuta, eta ordena publikoan eragina izan lezakeenez, sarbidearen inguruak hesituta daude eta hedabideek arazorik gabe jaso ahal izango dituzte futbolariaren sarrera eta irteeraren irudiak. Cristianok adierazpen ofiziala egingo du Auzitegian deklaratu ostean.
Fiskaltzaren arabera, Ronaldok enpresa-sarea sortu zuen 14,7 milioi euroko iruzurra egiteko, "jakitun" izanda eta modu "boluntarioan". Hala, 2011eta 2014 bitartean Ogasun Publikoaren aurkako lau delitu egitea egotzi diote.
Aldiz, Futbolariaren irudiaren eskubideak Espainiatik kanpo egindako iragarki eta ekitaldien bidez lortutakoak eta, hortaz, Espainiaren zerga legetik kanpo daudela erakusteko, Cristianoren ordezkariek txosten bat egitea eskatu diote Nielsen aholkularitza enpresari.
Nielsenen txostenaren arabera, Cristiano Ronaldok irudi eskubideen bidez jasotako diruaren % 6 baino ez dira Espainian eragin. Gainera, Facebooken dituen jarraitzaileen % 98 eta Twitterren CR7ri buruz sortzen diren elkarrizketen % 91 Espainiatik kanpokoak dira, Efek zabaldu duenez.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.