Hezkuntzako sukaldarien % 80k egin dute greba, ELAren eta LABen arabera
Eusko Jaurlaritzako Hezkuntza Sailaren menpeko sukaldariak eta garbitzaileak "oso modu zabalean" ari dira greba egiten, ELA eta LAB sindikatuek jakinarazi dutenez.
Bion esanetan, sukaldarien % 80k egin dute bat deialdiarekin (guztira, 470 behargin dira), eta garbitzaileen % 65 inguruk egingo dute greba (gehienak arratsaldeko txandan aritzen dira).
Eguerdian elkarretaratzeak egin dituzte Hezkuntza Sailak hiriburuetan dituen ordezkaritzen aurrean:
Azken hitzarmena, 2009koa
Sindikatuek kritikatu dutenez, "sektorea erabat pribatizatzeko arriskua dago". ELAk eta LABek azaldu zutenaren arabera, "Eusko Jaurlaritzako Hezkuntza Saila etengabe aritu da ikastetxe publikoetako sukaldeak, jangelak eta garbitzaileen zerbitzua pribatizatzen. Hala, apurka-apurka sektorea hiltzen uzten ari dela salatu dute, enpresa pribatuen esku uzteko”.
Sektoreko azken hitzarmen kolektiboa 2009koa dela gogorarazi zuten ELAk eta LABek: "Ia bederatzi urte pasa dira, eta Hezkuntza Sailak ez du akordioa bete, behin eta berriz".
Horrez gain, "langileen % 63k behin-behineko kontratua du, behin-behinekotasuna sukaldeetan %62koa da eta %61ekoa garbiketan", gaineratu zuten.
"Egiturazko lanpostu asko ez dira lanegun osoak; hala ere, astean 2.420 ordu baino gehiago kontratatzen dituzte laguntza-kontratu gisa, eta gehienak iruzurrezkoak dira".
Bestalde, lan-karga "asko" ugaritu dela azpimarratu zuten sindikatuetako ordezkariek.
Borroka-astea
Hori dela eta, egoera hori "salatzeko eta gizarteratzeko" eta "konponbidea eskatzeko", zenbait mobilizazio iragarri dituzte aste honetan. Asteartean, sukaldeetako langileek aldarrikapenak eta lanerako tresnak ikastetxeetan zintzilikatu zituzten, eta, asteazkenean, garbitzaileek egin zuten gauza bera. Ostegunean, greba egiteaz gain, "elkarretaratzeak, giza kateak, lapiko jotzea, hamaiketakoa eta aldarrikapen-garbiketa" antolatu dituzte Eusko Jaurlaritzak Araban, Bizkaian eta Gipuzkoan dituen egoitzetan. Azkenik, ostiralean, ohiko salaketa-elkarretaratzeak egingo dituzte.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.