Alonso aurrekontuei buruz: 'Sozietate Zerga jaistea giltza izan daiteke'
Alfonso Alonso PPko presidenteak gaur adierazi duenez, EAJk eta PSE-EEk Sozietate Zergaren tasa % 28tik 24ra adostu izana "giltza" izan daiteke Alderdi Popularrak Eusko Jaurlaritzako 2018rako Aurrekontuak babesteko. Atzo, jeltzaleek eta sozialistek lorturiko akordioak erreakzio oldea eragin du alderdi politikoen artean. Dena den, Joseba Egibar jeltzaleak ziurtatu duenez, Gobernu koalizioa osatzen duten EAJ eta PSE-EEk oraindik ez dute PPrekin Aurrekontuen inguruko akordiorik lortu. EH Bildu eta Elkarrekin Podemos, ostera, oso jarrera kritikoa erakutsi dute.
Alonsok ziurtatu duenez, Sozietate Zerga jaisteko erabakia "zentzuzkoa" da eta Euskadiko Aurrekontua babesteko "giltza" izan daiteke. Hala eta guztiz ere, oraindik ez dutela akordiorik lortu ziurtatu du. Dena den, baikor agertu da. Gaur bilera egin dute EAJk, PSE-EEk eta PPk eta negoziatzen jarraituko dute.
Hedabideekin Gasteizen egin duten topaketa batean, Euskadiko Aurrekontuak babesteko aukeraz hitz egin du Alfonso Alonsok. Alderdi Popularrak zerga erreforma eta Aurrekontuen negoziazioak lotu ditu hasiera-hasieratik.
Aurrekontuen negoziazioa eta Kataluniako egoera "nahasten" saiatzea leporatu die Euskadiko PPko presidenteak EH Bilduri eta Elkarrekin Podemosi.
EAJ: Aurrekontu akordioa oraindik itxi gabe dago
Joseba Egibar EAJk Eusko Legebiltzarrean duen bozeramaileak adierazi duenez, Aurrekontu akordioa "ez dago itxita" eta Sozietate Zerga jaisteko erabakiak popularren artean duen harreraren zain daude.
Radio Euskadiri eskainitako elkarrizketan, Kontzertu Ekonomikoaren Legea eta Kupoaren Legearen onarpena eta Euskadiko Aurrekontuen negoziazioa bereizi nahi izan ditu: "bi gauza ezberdin dira".
EH Bilduren esanetan, zerga erreforma "oso larria" da
Leire Pinedo EH Bilduko legebiltzarkidearen esanetan, EAJk eta PSE-EEk fiskalitateari buruz lorturiko akordioa "oso larria" da. Gaineratu duenez, "Alderdi Popularrak agintzen duela dirudi".
Kazetarien aurrean egindako adierazpenetan Pinedok salatu duenez, enpresei zergak jaistea "guztion artean ordainduko dugu". "Oso larria iruditzen zaigu EAJk, PSE-EEk eta PPk lorturiko akordioa. Oso larria iruditzen zaigu populazioaren % 10 ere ordezkatzen ez duen alderdi batek gure politikak erabakitzea", deitoratu du.
Elkarrekin Podemosek PSE-EE kritikatu du Sozietate Zerga jaistea onartzeagatik
Lander Martinez Elkarrekin Podemosek Eusko Legebiltzarrean duen bozeramaileak iragarri duenez, koalizio moreak osoko zuzenketa aurkeztuko die Eusko Jaurlaritzaren 2018rako Aurrekontuei.
Martinezen hitzetan, PSE-EEk egindakoak "ez dauka izenik". Gaineratu duenez, sozialistek nahiago izan dute zergak jaistea Aurrekontuei itxura soziala ematea baino.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.