Hezkuntza publikoko 28.000 irakasle daude ostegun honetan grebara deituta
ELA, LAB eta Steilas sindikatuek deituta, 28.000 irakasle daude gaur grebara deituta unibertsitatez kanpoko euskal hezkuntza publikoan. Halaber, sindikatu horiek abenduaren 12rako ere erregistratu dute greba deialdia. Lan-baldintza hobeak eskatzeko ari dira hainbat mobilizazio egiten hezkuntza publikoko langileak.
Gaurko deialdiak 300.000 ikasleri eragingo die, eta hilabetean hezkuntza publikoko langileek egingo duten laugarren lanuztea izango da. Haurreskoletako langileek egin zuten aurreneko greba; garbitzaileek eta sukaldeetako langileek, bigarrena; eta hezkuntza bereziko hezitzaileek, hirugarrena. Sindikatuen esanetan, orain arteko deialdiek babes "oso zabala" izan dute, eta ostegunekoak ere hala izango duela uste dute.
Abenduaren 12ko greba
ELAk, LABek eta Steilasek ez ezik, CCOO eta UGT sindikatuek ere greba eguna deitu dute abendaren 12rako, deialdia bateratua izango ez den arren.
Sindikatu abertzaleek "ongietorria eman" diete CCOOri eta UGTri, eta bi zentralok abenduaren 12an lanuztea deitzea begi onez ikusi dute. Hala ere, "orain arte non" egon diren eta zergatik ez diren mobilizatu galdetu diete.
Greba deialdi horretara unibertsitatez kanpoko hezkuntza publikoko langile guztiak daude deituta, 31.000 inguru. Azken urteotako "murrizketak" salatu eta lan-baldintza hobeak aldarrikatzen dituzte.
Xabier Irastorza ELAko ordezkariak esan duenez, "oso positiboa" da CCOO eta UGT sindikatuek ere greba deitzea datorren hilerako, horrek "deialdia indartzen duelako".
Dena dela, Irastorzaren iritzian, sindikatu horiekin ez dago elkarlanerako aukera handirik, aldarrikapenetan bat egitea zail ikusten duelako.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.