Ogasunak 125 miloi euro berreskuratu ditu multinazionalek eginiko iruzurra aurkituta
Bizkaiko Ogasunak 125,9 miloi euro berreskuratu ditu azken hiru urteotan, 8 multinazionalek beren onura fiskalak atzerrira eramanda eginiko iruzurra aurkituta. Horietatik, 121 milioi Suitzan aurkitu dituzte.
Izan ere, Bizkaiko Aldundiak talde berezi bat osatu du multinazionalek paradisu fiskaletara daramatzaten etekinak azaleratzeko. Baita, zergadunek eginiko delitu fiskalak atzemateko beste bat ere.
Nazioarteko Fiskalitate Unitate (UFI) delako taldeak multinazionalak ikertzen ditu, bertokoak eta kanpokoak. Eta zortzi kasutan ikusi ahal izan dute, sare bat sortu dutela etekinak paradisu fiskaletan deklaratzeko, eta Bizkaiko ogasunari ihes egiteko. Ondorioz, Bizkaiko Aldundiak, ia 126 miloi euro berreskuratu ditu.
Gehienak Suitzan zuten enpresa pantaila bat, baina Bizkaiko ikuskatzaileek probatu ahal izan dute lanak edo zerbitzuak Bizkaian zuela jatorria.
Era berean, zergadunek eginiko delitu fiskalak ere aztertuta, beste 3,7 milioi euro jaso ditu. Horretarako, ezkutuko ondareen eta zerga-betebeharren ordainketa saihesteko joera duten jarduketen ikerketan espezializatuta dagoen taldea sortu berri du Aldundiak.
Talde horrek epaitutako lagunen ekonomia aztertzeaz gain, zigortuen familia-ingurua eta esparru profesionala aztertzen du. Gaur egunera arte unitate horrek hiru espediente amaitu ditu eta horietan kobratzeke zegoen zorra 3,7 milioi eurokoa zen.
Unitate horrek burutzen dituen ikerketak beti izaten dira oso konplexuak eta horren adibide bat da zerga delituagatik zigortua izan zen eta, bai zorra ordaintzea eta bai kartzelan sartzea saihestuz, bere burua kaudimengabekotzat jo zuen zergadunarena.
Bizkaiko Ogasunak egiaztatu du pertsona hori Mexikon bizi dela eta sarrerak lortzen dituela Panaman sortu zuen enpresa batetik, senideen eta pantaila-enpresa batzuen bidez. Hori horrela, Justiziak pertsona hori bilatzeko eta harrapatzeko nazioarteko agindua eman du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.