TAOren enpresa-batzordea: 'Grebak luze joko du kaleratuak berriz lanera itzuli ezean'
Greba bertan behera uztea baztertu du Bilboko TAOren enpresa-batzordeak, nahiz eta emakidadun enpresak “borondate oneko keinu bezala” hori eskatu. Kaleratuak lanera itzuli ezean, gatazkak “luze joko du”, langileen ordezkarien esanetan
Javier Escobar enpresa-batzordeko presidentearen ahotan, greba “arrakasta” izaten ari da, eta asteazken honetan langileek manifestazioa egin dute berriro Bilboko kaleetan.
Escobarrek baztertu egin du negoziatzen ari diren bitartean greba bertan behera uztea, nahiz eta emakidadun enpresak hori eskatu. “Borondate onarekin zazpi langileak berriz lanera itzuli eta xantaiarik gabe hitzarmen bat negoziatzen hasten baldin badira, gu prest gaude”, erantsi du.
Langileen batzarreko agindua
Hala ere, kaleratuak lanera nola itzuliko diren eztabaidatzeari uko egiten baldin badiote, gatazkak “luze joko du”, ohartarazi du. Enpresa-batzordeko presidenteak langileen batzarrak langileak lanera itzultzeko jarri duten baldintza gogoratu du: behargin kaleratuak lanera bueltatzea eta “xantaiarik gabe” hitzarmen baten negoziazioa “mahai gainean” izatea.
Azkenik, ostegun honetan Lan Harremanen Kontseiluan egin beharreko bileran lan-egutegiaz hitz egin behar zuten, baina “guztiaz eztabaidatzen saiatuko gara”, esan du Escobarrek.
Zure interesekoa izan daiteke
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.
Langabeziak behera egin du Euskadin eta Nafarroan bigarren hiruhilekoan, eta bi erkidegoetan Estatuko batezbestekoaren azpiko tasak daude
Euskal Autonomia Erkidegoan 12.400 langabe gutxiago daude, eta tasa % 7,11koa da; Nafarroan, berriz, 3.300 langabe gutxiago daude, % 8,07ko indizearekin.
39 urteko gizon bat larri zauritu da Iruñean lan-istripuz
Presiozko mahuka batek buruan jo du baratzean ari zela.
Alokairuen prezioa % 3 eta % 4 artean jaitsi zen Donostian, Irunen eta Errenterian 2025eko azken hiruhilekoan
2025ean 86.522 alokairu-kontratu sinatu ziren Euskadin, serie historikoko bolumenik handiena. Alokairuen prezioei gehien eusten dion lurraldea Araba da.
Papresak aro berria hasi du, CL Group Industrial taldeak paper fabrika erosi baitu
Gaurtik CL Group Industrial taldeak bere gain hartu du Errenteriako paper fabrikaren ekoizpena.
CCOOk euskara ikasteko denbora eta baliabideak eskatu ditu eta euskarafobia dagoela ukatu du
Euskadi Irratian egin dioten elkarrizketan, Iñigo Garduño CCOOren komunikazio idazkariak langileak auzitegietan defenditzeko egindako bidea azpimarratu du. Halaber, adierazi du ez direla aritu euskararen kontra, euskara ikasteko baliabideak eskatzen baizik.
EAEko arrantzaleek antxoa-kuota ia osoa agortu dute eta hegaluzearen kosteraren buru dira
Esleitutako antxoa-kuotaren % 98,4 harrapatu dute dagoeneko. Euskal ontziek harrapatu dituzte Estatuan arrantzatutako hegaluzearen hamar kilotik sei.
Azkoyen enpresa erosteko 244,5 milioi euroko eskaintza egin du Ohmnia taldeak
Eskaintzaren sustatzaileen ustez, operazioa ezagutza partekatzeko eta industria-irtenbide aurreratuagoak eta balio erantsi handiagokoak garatzen laguntzeko aukera bat da.
ELAk mobilizazioak iragarri ditu udazkenerako, Osakidetzako kolektibo guztien lan-baldintzak negoziatzeko
Sindikatuak 17 urte baino gehiago dituen Lan Baldintzak Arautzeko Akordio zaharkitua berritzeko exijitu du, eta diskriminaziorik gabe negoziazioak hasteko deia egin du.
Guardiak turismo tasari buruzko lehen ordenantza onartu du Euskadin
Arabako udalerriak foru arauak aurreikusitako tarteen erdi-goiko mailan kokatutako zenbatekoa aplikatuko du.