Bilboko TAOko langileek aurreakordioa onartu eta grebari amaiera eman diote
Bilboko TAOko langileek zerbitzua kudeatzen duen konpainiaren (Eysa-Cycasa) zuzendaritzak eta enpresa batzordeak atzo, astelehena, lortutako aurreakordioa onartu dute gaur, eta urtarrilaren 2an abiatutako grebari amaiera eman diote.
Langileen asanbladan 93 langilek parte hartu dute; horietatik 50 akordioaren alde egin dute, 38 aurka eta sei abstenitu dira.
Hori horrela Bilboko TAOko langileak bihar, asteazkena, itzuliko dira lanera; hala ere, zerbitzuak ez du martxa hartuko TAOko makina guztiak erabilgarriak egon arte.
Ildo horretan, datozen hamar egunotan "hiriaren erdigunean normaltasuna" nagusi izatea espero duela esan du Alfonso Gil Bilboko Udaleko alkateorde eta Mugikortasun eta Iraunkortasun zinegotziak.
Grebak 1,5 milioi euro inguruko galerak eragin dizkio Bilboko Udalari, enpresa batzordearen datuen arabera.
Aurreakordioaren baldintzak
Zuzendaritzak abenduan kaleratutako zazpi lankideak berriro kontratatuko ditu, baina bi hilabetez enplegurik eta soldatarik gabe zigortuko ditu.
Bestalde, adostu dute 2010ean sinatutako lan-hitzarmena 2020ra arte luzatzea. Ildo horretan, sinatutako akordioa indarrean egongo da horren ordezkoa sinatu arte; horren harira, sindikatuek eta zuzendaritzak adostuta soilik aldatu ahal izango dute lan-hitzarmeneko edukia.
Langileen soldata igoeraren harira, soldataren KPIren adineko aparteko ordainsari bat ezarri dute, baldin eta, Bilboko Udaleko baldintza-agirian ezarritako irizpideak betetzen badituzte, bestela, soldata izoztuko zaie.
Horrez gain, greba bitartean egindakoagatik diziplina-neurririk ez hartzeko konpromisoa hartu du enpresak.
Era berean, aldageletan aldatzeko aurreikusitako denboraren truke udatik kanpo hartzeko astebeteko oporrak izango dituzte langileek.
Langileen arteko tirabira
"Asanbladaren emaitza estua" izan dela onartu du Javier Escobar enpresa batzordeko (ELA sindikatukoa) presidenteak. Bestalde, hainbat gauza negoziatu gabe gelditu arren "akordio ona" adostu dutela uste du.
Ildo horretan, "sentimendu nahasiak" izan direla esan du, langileen zenbait aldarrikapen lortu baitira, baina beste batzuk "agian ez ditugu lortu".
Kaleratzeak gauza gehiago lortzeko traba izan direla esan du; "hori izan da gure bidesaria", gaineratu du.
LAB sindikatua izan ezik gainerako guztiek aurreakordioa babestu dute.
Sindikatu abertzalearen ustez, akordioak erosteko ahalmena gutxitzen du. Halaber, enpresak kaleratutako langileak baldintzarik gabe berriz onartzeko eskatzen zuten, eta ez da horrela izan.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.