1.660 langabe gutxiago zenbatu dituzte otsailean EAEn eta Nafarroan
2018ko otsailean behera egin du langabeziak, zehazki, 1.660 langabe gutxiago zenbatu dituzte Euskal Autonomia Erkidegoan (EAE) eta Nafarroan, Lanbidek eta Estatuko Enplegu Zerbitzu Publikoak (SEPE, gaztelaniaz) jakinarazi dutenez.
Guztira, 163.323 pertsona daude langabezian Hego Euskal Herrian. Datuak behera egin du aurreko hilabetearekin, zein 2017ko otsailarekin alderatuta. Iazko otsailean baino 16.620 langabe gutxiago daude orain.
Otsailean zenbatutako langabe guztien artean, 70.187 gizonezkoak ziren, eta 93.136, emakumezkoak. Bi taldeetan egin du behera langabeziak, baina emakumeen artean jaitsieraren erritmoa motelagoa da.
Lurraldeka, Nafarroan jaitsi da gehienen (portzentajeari erreparatuta): 36.088 pertsonak topatu dute lana (% 11,38 egin du behera langabeziak). Urtarrileko datuekin alderatuta, langabezia gehien jaitsi den bigarren lurraldea Araba da (434 langabe gutxiago, eta % 2,07ko beherakada), Gipuzkoa da hirugarren (380 langabe gutxiago eta % 1,12ko jaitsiera) eta Bizkaia, azkena (277 langabe gutxiago, % 0,38).
Jarduera sektoreei dagokienez, zerbitzu alorrean izandako beherakada da aipagarria (1.131 langabe gutxiago). Industrian ere jaitsi da langabe kopurua (426), baita eraikuntzan ere (187).
Estatuan ere behera egin du Enplegu Zerbitzu Publikoan izena emanda dauden kopuruak. Aurreko hilabetearekin alderatuta, 6.280 langabe gutxiago zenbatu dituzte. Guztira, 3.470.248 pertsona daude lan barik Espainiako Estatuan, 2009ko urtarriletik zenbatutako txikiena.
Erreakzioak
Beatriz Artolazabal Enplegu eta Gizarte Politiketako sailburuak esan duenez, "otsaila, tradizioan trantsizioko hilabetea, Gabonetako kanpainetako eta merkealdiko saltokietako eta ostalaritzako kanpainen ondoren" eta ez da enpleguarentzat hilabete ona izaten Euskadin. Beraz, langabe kopuruak behera egin izanak —termino erlatiboetan, % 0,85— esan nahi du "azken 10 urteotako bigarren otsailik onena" izan dela.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketaren zilegitasuna zalantzan jarri dute.
Tentsioa Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.