Hezkuntza pribatuko langileen % 70ek bat egin dute grebarekin, sindikatuen arabera
Gizarte Ekimeneko itunpeko ikastetxeetako lehen greba egunak oso jarraipen zabala izan du sindikatu deitzaileen esanetan, hain zuzen ere, % 70 baino handiagoa. Eskola guztietan grebaren jarraipena % 50etik gorakoa izan dela eta ikastetxe batzuk itxita egon direla azpimarratu dute.
Horrez gain, Kristau Eskola eta AICE-IZEA patronalek langileen oinarrizko aldarrikapenak aintzat hartzen ez badituzte, greba eta mobilizazioekin jarraituko dutela ohartarazi dute.
Kristau Eskolak, berriz, grebaren jarraipena % 38koa izan dela esan du. Patronalak zabaldutako datuen arabera, lanuzteak % 42ko eragina izan du Bizkaian, % 35ekoa Gipuzkoan eta % 33koa Araban.
Steilas, CCOO, LAB, ELA eta UGT sindikatuek deituta, greba eguna izan dute Euskadiko ekimen sozialeko hezkuntza zentroetan, hitzarmen berri bat aldarrikatzeko. Hala, itunpeko zentroen % 70ean eragin du lanuzteak. Zentro horietan, 9.000 langile eta 117.905 ikasle daude guztira.
Ohar bateratu batean sindikatuek adierazi dutenez, jarraipen zabala izan du grebak kolektibo ezberdinetan: Administrazio eta zerbitzuetako langileak, Haur Hezkuntzako 1. Zikloko langileak, Hezkuntza Laguntzako Espezialistak eta irakasleak.
"Sektoreko azken hitzarmena 2009koa da eta orduz geroztik, inposatutako murrizketei aurre egiteaz gain (aurrena % 5eko soldata murrizketak eta estatuko hitzarmenaren inposaketa, ondoren), akordio berri baten alde negoziatzen aritu gara; ia 10 urte luzez", nabarmendu dute.
Sindikatuen hitzetan, "etengabe negoziaketa luzatzeko patronalaren jarreraren aurrean, akordiorako borondaterik ez edukitzeagatik, irailean sindikatu guztiok gutxiengo aldarrikapenak jasotzen zituen plataforma bateratu bat adostu genuen, baina patronalaren erantzun eskasak ordurako hilik zegoen negoziazio mahaitik altxatzera eraman gintuen, eta mobilizazioen bidea hartzera".
Horren aurrean, "gai desberdinetan beharrezkoak diren" hobekuntzak jasoko dituen akordio berri bat eskatzen dute sindikatuek. Sektorearen arazo larriak izendatu dituzte, hala nola, lan kargaren hazkundea, jaiotza-tasaren beherakada dela-eta Hezkuntzako aurreneko etapetan gela kopuruaren murrizketa eta, ondorioz, kaleratzeak; erosmen ahalmena galtzea eta Haur Hezkuntzako lehen zikloko eta Hezkuntza Laguntzako Espezialisten lan baldintza eskasak.
"Azpikontratatutako langileen errebertsioan, Administrazio eta Zerbitzuetako langileen lanaldietan, DBH 1. Ziklokoen soldaten ekiparazioan eta Lanbide Heziketa arautzean pauso batzuk ematea ere exijitzen dugu", gaineratu dute.
Mobilizazio nagusiak 11:30ean abiatu dira Escolapiosetik (Recalde Zumardia, 19) Bilbon, Boulevarretik Donostian, eta Arka plazatik Gasteizen.
(Itunpeko ikastetxeetako langileek Bilbon egindako manifestazioa. Argazkia: EFE)
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.