Errentaren kanpainan 259 milioi itzuli eta 224 jasotzea aurreikusi du Gipuzkoak
Gipuzkoako Foru Ogasunak 2017ko Errentaren kanpainan 259 milioi euro itzultzea eta 224 jasotzea aurreikusi du. Beraz, 35 milioi euroko kitapen negatiboak izango ditu Aldundiak diru-kutxa publikoan, iaz baino 17 milioi gehiago, "ekonomiaren suspertzea" dela eta. Gainera, autolikidaziorako proposamenak telefonoz eta internet bidez onar daitezke gaurtik aurrera. 11.000 bat gipuzkoarrek onartu dute dagoeneko goizean.
Errentaren eta Aberastasun eta Ondare Handien inguruko informazioa eman dute prentsaurreko batean Jabier Larrañaga Gipuzkoako Ogasun eta Finantza diputatuak, Jokin Perona Ogasun zuzendariak eta Yolanda Dominguez Zerga Kudeaketa arloko zuzendari ordeak. Balorazio "positiboa" egin dute.
Larrañagak azaldu duenez, erakundeen arteko datu elkartrukeak eragindako akatsak egon dira hainbat autolikidazio-proposamenetan. Gaur bertan konpondu direla jakinarazi du, "langileen eta departamentuko taldearen ahalegin eta lan handiari esker".
Horrez gain, Foru Ogasuneko bulegoetan egiten diren deklarazioetarako txanda apirilaren 20tik aurrera eskatu ahal izango dela esan du, eta 23tik aurrera aurkeztu. Autolikidaziorako jasotako proposamenekin ados ez dauden deklarazioak aldatzeko txanda eskatzeko aukera apirilaren 26an ipiniko dute martxan. Kanpaina ekainaren 30ean amaituko da.
Zerga-betebeharrak "ongi betetzea" eskertu die Larrañagak herritarrei. Halaber, zergak ordaintzea ezinbestekoa dela gogoratu du, Gipuzkoako "ongizate mailari eusteko". Bestalde, errenta aitorpena euskaraz aurkezteko deia egin du.
Zergabidea
Zergak aurkezteko ZergaBidea online tresnari buruz ere hitz egin du, zerbitzua "hobetzen" azpimarratzeko. Dominguezen esanetan, plataforma berri horrek "zerbitzua hobetzen eta akatsak ekiditen" laguntzen du.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).