Errenta-kanpainaren hasieran 171 milioi itzultzea espero du Bizkaiko Ogasunak
2017ko ekitaldiari dagokion errenta-kanpainaren lehen egunetan, 206.000 bat zergapekori 171 milioi euro itzultzea aurreikusi du Bizkaiko Foru Ogasunak. Errenta-aitorpena aurkezteko epea asteazken honetan hasi eta ekainaren 30an bukatuko da.
Kanpaina hasi baino lehen, apirilean, 333.835 errenta-aitorpen proposamen bidali zizkien Ogasunak zergapekoei; horietatik 223.158 dirua itzultzeko izango dira, eta 110.677, berriz, ordaintzekoak.
Aldeko proposamenen % 8 bakarrik errefusatu edo zuzendu dituzte zergadunek. Sartu beharreko tributu-zorren kasuan, ekainaren 29a baino lehen onartu edo baztertu behar dira, Bizkaiko Aldundiak azaldu duenez.
Proposamenarekin konforme agertu diren 206.000 zergapekok ez dute tramiterik egin behar izan; ondorioz, Ogasunak datozen egunetan itzuliko die likidazioa. Aurreneko egunetan, 171 milioi euro itzultzea espero du altxor publikoak.
Guztira, 395 milioi euro itzuliko dituzte
Ekitaldiko Pertsona Fisikoen Errentaren gaineko Zergaren (PFEZ) kanpaina osoan, 395 milioi euro itzuliko dituela uste du Foru Ogasunak. Horrela, bizkaitarren hamarretik zazpik batez beste 980 euro jasoko dituzte.
Kanpaina osoan, 571.000 errenta-aitorpen bideratzea espero du Bizkaiko Ogasunak. PFEZ edo Ondare aitorpenaren aurrean sor daitekeen edozein zalantza argitzeko, errentaren webgunean, 94 608 3000 telefonoan edo Ogasun eta Finantza Departamentuaren bulegoetan, informazio guztia eskuragarri izango dute zergapekoek.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).