'Aurrekontuak izan ala ez' % 1,6ko igoera aplikatzea eskatu dute pentsiodunek
Milaka pentsiodunek eta erretirodunek elkarretaratzeak egin dituzte berriro gaur, PPren eta EAJren artean adostutako % 1,6ko igoera Espainiako Gobernuari aplikatzea eskatzeko, “155.arekin edo gabe, aurrekontuak izan ala ez”.
Horrela, milaka pentsiodun eta erretirodun bildu dira beste astelehen batez Bilboko udaletxearen aurrean, pentsio publiko “duinak” eskatzeko. Era berean, ehunka pertsonak protesta egin dute Donostian eta Gasteizen.
Datorren larunbateko manifestazioak begiz jota, pentsiodunek berriro protesta egin dute. Hego Euskal Herriko lau hiriburuetan protestak deitu dituzte. Manifestazio “jendetsuak” izatea eta “Moncloa ikaratzea” espero dute.
EAJk Mariano Rajoyren Gobernuko aurrekontu proiektuari babesa eman ala ez erabakitzeko zain, alderdi jeltzalearen erabakia zein izango den ez dakitela esan dute pentsiodunen ordezkariek. Hala ere, aurten pentsioak % 1,6 igotzeko hartutako “konpromisoa” betetzea aldarrikatu dute, “155.arekin edo gabe, aurrekontuak izan ala ez”.
Gaurko goiz beroan, urtarrilean hasitako protestetan ohikoak diren leloak errepikatzeaz gain, hala nola “Borroka hau irabaziko dugu”, “Lapur gutxiago, pentsio gehiago” eta Rajoyren “dimisioa” eskatzeaz aparte; datorren larunbatean kaleak hartzeko dei egin dute pentsiodunek.
Bizkaia, Araba, Nafarroa eta Gipuzkoako pentsiodunen elkarteek adostutako agiri bateratu bat irakurri dute ekitaldian. Eskakizunen aurrean “erantzun onargarri bat” lortu arte protestekin eta aldarrikapenekin aurrera jarraituko dutela adostu zuten bileran.
Donostian, ehunka lagunek elkarretaratzea egin dute eguerdian, udaletxeko fatxada nagusiaren aurrean. Igoerak KPIrekin lotzea eta 1.080 euroko gutxieneko pentsioa aldarrikatu dute pankarta baten atzean, baita “euskal sistema publiko” bat ere.
Gasteizen, pentsiodunak Plaza Berrian bildu dira, “Pentsio duinen alde” lelopean, eta Eusko Legebiltzarraren egoitzan bukatu den manifestazioa egin dute.
Azkenik, Sasoia eta Nafarroako Pentsionistak Martxan elkarteek Iruñeko udaletxearen aurrean elkarretaratzea egin dute, pentsio publiko “duinak” eta 1.080 euroko gutxieneko pentsioa eskatzeko.
'1.080 euroko gutxieneko pentsioa, KPIren benetako berrikusketa' zioen pankarta baten atzean “ez da dirurik falta, lapurrak soberan daude”, “Toledoko Ituna, benetako KPI”, “Ustel eta lapurragatik, Gobernua dimisioa” edo “diputatuak eta borboiak euren pentsioak murriztu” oihukatu dute.
Xabier Lareki eta Blanca Unzue Nafarroako Pentsionistak Martxan eta Sasoia elkarteetako ordezkariek, hurrenez hurren, agiri bat irakurri dute euskaraz eta gazteleraz. Pentsioen sistema publikoak “epe luzeko ikuspegia eta aurrekontuetako negoziazioaren menpe egon ezin diren neurri egonkorrak” behar dituztela aldarrikatu dute.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.