Epaile eta fiskalen grebak jarraipen zabala izan du EAEn eta Nafarroan
Epaileen eta fiskalen hainbat elkartek grebarako deia egin dute gaurko, euren lan baldintzak hobetzea eta justizia independienteago bat izateko erreformak eskatzeko. Egun osoko lanuztea jarraipen zabala izaten ari da Euskal Autonomia Erkidegoan (EAE) eta Nafarroan.
Espainiako epaileak ordezkatzen dituzten lau elkartek eta fiskalek hiruk egin dute deialdia. Azaldu dutenez, grebaren jarraipena % 80koa izan da EAEn.
Lurraldez lurraldeko datuei erreparatuta, Bizkaian, Barakaldoko, Getxoko, Balmasedako eta Durangoko epaile guztiek egin dute bat grebarekin. Bilbon jarraipena % 70ekoa izan da eta Gernikan hirutik bik babestu dute lanuztea. Arabari dagokionez, Amurrion % 100ekoa izan da jarraipena eta Gasteizen, ostera, % 50ekoa. Gipuzkoan, Tolosa, Bergara, Azpeitia eta Irunen guztiek egin dute greba. Donostian jarraipena % 75 ekoa izan da eta Eibarren hirutik bik babestu dute lanuztea.
Nafarroan 62 epaileetatik 42k eta 21 fiskaletatik 13k egin dute greba, Nafarroako Justizia Auzitegi Nagusiak emandako datuen arabera. Guztira, 69 epaile eta magistratu daude Nafarroan eta horietatik zazpik ez zeukaten greba eskubiderik, hainbat arrazoi tarteko. Gainera, aurreikusita zeuden 98 epaiketa edota deklarazio bertan behera gelditu dira.
Espainiako Justizia Ministerioak grebaren jarraipenari buruzko datuak ez ematea agindu die idazkari judizialei, Aner Uriarte Bilboko epaile dekanoak salatu duenez. Uriarteren esanetan, epaile eta fiskalen protestak ez ikusaraztea lortu nahi zuen.
Bilboko epaile dekanoaren iritziz, gaurko greba eguna "historikoa" da. "Denbora pasatu ahala, gure aldarrikapenen beharra ageriago gelditu da. Gure aldarrikapenetako bat Botere Judizialaren Kontseilu Nagusiaren independentzia da; hain zuzen ere, 'La Manada' auziko epaiaren harira agerian gelditu dira horren gabeziak", azpimarratu du.
"Aspaldidanik planta judiziala handitzea eskatzen ari gara. Zehazki, 1.200 epaile plaza gehiago sortzea eskatzen dugu, 300 urteko, Espainia Europako mailan jartzeko biztanleko epaile kopuruari dagokionez eta lan karga handiari erantzuteko", azpimarratu du Uriartek.
Nafarroako epaile eta fiskalen agerraldia. Argazkia: ETB
Albiste gehiago ekonomia
Euskal pentsiodunek manifestazioa egingo dute hilaren 20an, Jaurlaritzak pentsioen osagarriari buruzko HELa baztertu ostean
EAEko pentsiodunek manifestazioa egingo dute Bilbon (Jesusen Bihotzetik, 18:00etan), Donostian (Boulevardetik, 12:00etan) eta Gasteizen (Artiumen plazatik, 12:00etan).
Etxebizitzen prezioa % 12,4 garestitu da urteko bigarren hiruhilekoan Euskadin, eta % 12 Nafarroan
Espainian, oro har, etxebizitzen prezioaren igoera urte arteko % 12,7an kokatu da. Etxebizitza motaren arabera, bigarren eskukoa % 12,8 garestitu da eta berria % 12,1.
Balore Merkatuaren Espainiako Batzordeak onespena eman dio BBVAk Sabadell erosteko egindako eskaintza publikoari
Ikuskatzaileak uste du eskaintzaren baldintzak bat datozela indarrean dauden arauekin, eta nahikotzat jo du BBVAk aurkeztutako azalpen-liburuxkaren edukia.
Denis Itxaso: "EAEko biztanleriaren % 50 baino gehiago egongo da tentsio handiko etxebizitza-eremuaren babesean urritik aurrera"
Radio Euskadin egindako elkarrizketa batean, Eusko Jaurlaritzako Etxebizitza eta Hiri Agendako sailburu Denis Itxasok esan du Bilbo tentsio handiko etxebizitza-eremu gisa onartu dutela, eta Gasteiz ere zerrendan sar daitekeela. Beste udalerri batzuk sartuta, sailburuaren arabera, Jaurlaritzaren helburua gaindituko da; EAEko biztanleriaren % 50 babestea babes-figura horren bidez. (Jatorrizkoa: Gaztelaniaz)
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.