Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Eusko Jaurlaritzako Etxebizitza Sailak tentsio handiko eremu izendatu du gaur Bilbo. Modu horretan, izendapen hori lortzen duen hirugarren euskal hiriburua izango da Bizkaikoa, Donostiaren eta Iruñearen ondoren.
Neurriari buruzko argibideak emateko, agerraldia egin dute goizean Denis Itxasok, Etxebizitza sailburuak, eta Juan Mari Aburtok, Bilboko alkateak, Bilboko udaletxean. Bertan jakinarazi dute neurria urrian sartuko dela indarrean, behin agindua Estatuko Aldizkari Ofizialean argitaratuta.
Tentsio handiko eremu izendatzeko bete beharreko baldintzetako bat da alokairuaren eta etxeko oinarrizko gastuek etxeko diru-sarreren % 30 gainditzea, eta bestea, alokairuen prezioen igoerak azken bost urteotan KPI indizearen kopurua hiru puntutan gainditu izana. Izendapenak aukera emango du alokairuen prezioak kontrolatzeko, ondorengo kasuetan: etxejabe handien (5 etxebizitza baino gehiago dituztenen) higiezinak eta alokairuaren merkatura lehen aldiz atera diren etxebizitzak.
Bestalde, hiru urterako plan berezi bat martxan jartzea ere ahalbidetuko du neurriak, hirigintza zein finantza arauak moldatzeko aukera emango duena. Helburuak dira etxebizitza parke publikoa zabaltzea, prezioak mugatzea, hutsik dauden higiezinak merkaturatzea eta kolektibo zaurgarriak babestea.
1.090 etxebizitza 2028rako
Aipatutako plan horren barruan, besteak beste, aurreikusten da 2028rako 1.090 etxebizitza berri eraikitzea Bilbon, 890 Eusko Jaurlaritzak sustatukoak: horietatik, 385 babes ofizialekoak izango dira — 19 Boluetan eraikiko dira, eta 66, Zorrotzaurren— eta 182, babes sozialekoak —Larreagaburun, 84; Boluetan, 63; Gorte inguruan, 23, eta Olabegan, 12—.
Era berean, zuzkidura bereziko 200 etxebizitza sustatuko dituzte Udalak eta Jaurlaritzak, elkarlanean —Ametzolan, 93; Gaztelondon, 40 eta Arabellan, 68—. 25 milioi euro bideratuko dituzte horretara.
Aburtoren hitzetan, izendapenak ez du etxebizitzaren arazoa konponduko Bilbon, baina aurrerapauso bat da.
EH Bilduk eta Elkarrekin Podemosek ere berri ona dela esan dute, eta neurriak berehala martxan jartzen hastea eskatu dute.
Zure interesekoa izan daiteke
Akordioa Osakidetzaren eta sindikatu medikoen artean, guardien antolaketa aldatzeko
Osasun Sailak asteleheneko mahai sektorialera eramango du medikuen lan-baldintzak hobetzea helburu duen akordio-proposamena. Testuak honako hauek aurreikusten ditu, batik bat: guardien eredua berrikustea, atseden-sistema hobetzea, guardien ordainsaria mailaz maila handitzea eta lanbide-aitorpena indartzea. Bestalde, Euskal Medikuen Sindikatuak nabarmendu du hitzarmenak ez dituela bere aldarrikapen guztiak asetzen, baina aurrerapauso esanguratsutzat jo du, eta, gainera, egungo gatazka giroa baretzen lagun dezakeela uste du. Alberto Martinezek, Eusko Jaurlaritzako Osasun sailburuak, azaldu du antolaketa aldaketa hau "baloratzeko lan taldeak sortuko" dituztela.
EAEko BPGa % 2,1 igo da bigarren hiruhilekoan iaztik, eta % 0,5 lehenengo hiruhilekotik
Eustatek egindako hiruhilekoko kontu ekonomikoen aurrerapenaren arabera, EAEko enplegua % 1,3 igo da urteko bigarren hiruhilekoan, 2025eko bigarren hiruhilekoarekin alderatuta, eta % 0,4 2026ko lehen hiruhilekoarekin alderatuta.
Miraik, Jainagaren konpainiak, estaldura elektrolitikoak egiten dituen Reco enpresa bizkaitarra erosi du
Barakaldon kokatuta dago, eta taldeak 40 urte baino gehiagoko esperientzia du. Egun, 60 langilek egiten dute lan eta iaz 14 milioi euroko irabaziak izan zituen.
Dependentziarako laguntzak finantzatzeko akordioa lortzeko Kontzertu Ekonomikoaren garrantzia azpimarratu du D'Anjouk
Noel d'Anjou Eusko Jaurlaritzako Ogasun eta Finantza sailburuak Euskadi Irratian adierazi duenez, Euskadiren kasuan dependentziarako laguntzen % 50 Estatuak finantziatuko ditu, Kontzertu Ekonomikoaren baitan lortutako akordioari esker. Prozesua "zaila eta oso teknikoa" izan dela adierazi du, baina azkenean lortu egin dela nabarmendu du. Menpekotasunaren konpetentzia Foru Aldundiena dela gogorarazi du, eta, horrez gain, iragarri du urrian Herri-Dirubideen Euskal Kontseiluak egingo duen bileran erabakiko dutela nola banatu Madrildik etorriko den finantzazioa.
Balenciaga Shipyardek aro berri bati ekin dio bere lehen ontziaren gila jarrita, eta itxieraren mehatxua atzean utzi du
Inaugurazio ekitaldia gaur goizean izan da, Zumaiako Balenciaga Shipyarden portuko instalazioetan bertan. Mikel Jauregi Industria, Trantsizio Energetiko eta Jasangarritasun sailburua "hilabete askotako hotzaren eta hodeitzar beltzen" ondoren, ontziola zumaiarrak "etorkizun oparoa" duela eta pozik agertu da.
Euskadik 407 milioi euro izango ditu mendekotasun sistema finantzatzeko 2027an, duela hiru urte halako bi
Akordio berriari esker Estatuak gastuen % 50 finantzatuko dituela, eta ekarpen hori "babestu" egingo dela etorkizuneko lege aldaketen aurrean.
Urtean 250 milioi euro gehiago emango dizkio Espainiako Gobernuak EAEri, mendekotasun arreta finantzatzeko
Kontzertu Ekonomikoaren gaineko Batzorde Mistoak, aho batez, onartu egin du EAEko Autonomiaren Aldeko eta Mendekotasunari Arreta Eskaintzeko Sistemaren finantzaketa osagarriari buruzko akordioa. Horren arabera, Araban, Bizkaian eta Gipuzkoan erakunde publikoek mendekotasun sistemara bideratutako gastuen % 50 Estatuak ordainduko ditu datorren urteko urtarrilaren 1etik aurrera.
Pello Igeregi, ELA: "Absentismoa Euskal Herrian % 0koa da; ez dago absentismorik"
Enpresek ezartzen dituzten lan baldintzek, prebentzio faltak eta osasun publikoaren ahultzeak langileen osasun egoera nabarmen okertu dutela salatu du ELA sindikatuak. Hego Euskal Herrian "absentismoa ehuneko zerokoa" dela esan du Pello Igeregi ELAren Lan Osasuneko arduradunak, eta langileak kriminalizatzea leporatu die Alderdi Popularrari eta Confebaski.
EAEko familien gastua % 7 hazi da, garraioan eta osasunean izandako hazkundearen ondorioz gehienbat
EUSTATen arabera, 2025ean EAEko familiek, batez beste, 38.800 euro gastatu zituzten, eta kopuru horretan etxebizitzak hartu zien gastuaren herena baino gehiago (% 34,5).
Prezioen indizea % 0,8 igo da EAEn eta % 0,4 Nafarroan ekainean
Kontsumo Prezioen Indizearen (KPI) urtearteko tasa % 3,2koa da EAEn (hirugarren hilabetez jarraian), eta % 2,7koa Foru Erkidegoan, Espainiako Institutuak asteazken honetan argitaratutako datuen arabera.