Tapiak EBri erantzun dio AHTaren gainkostua % 10ekoa dela, 'erabat onargarria'
Arantxa Tapia Azpiegitura eta Garapen Ekonomikorako sailburuak uste du, Europar Batasuneko Kontu Auzitegiaren "abisua"ren ostean, ezin dela AHTren lanetan atzerapen gehiago izan; eta lanak % 10eko gainkostuarekin amaituko duela erantzun du, kopuru "erabat onargarria".
Gainera, PSOEren Espainiako Gobernuari txostena "zehatz mehatz" aztertzeko eskatu dio, eta Jose Luis Abalos Sustapen ministroarekin "hitzordua" egiteko nahia agertu du, "lehentasunei heltzeko".
Europar Batasunaren Kontu Auzitegiaren txostenean agertzen zenez, Espainiako Estatuko abiadura handiko trenetan bidaiari gutxi daude eta gutxi espero dira, tartean EAEkoan, eta gainkostua handia da.
Sailburuak gogorarazi du Jaurlaritzak azpimarratutako gai batzuk aipatzen direla txostenean, "planifikazio eta lehentasun falta" adibidez. "Lehentasunak zehaztu gabe planifikatzen denean, gertatzen ari dena gerta daiteke", azaldu du.
Tapiak trenaren konexioak ere aipatu ditu, konexio Atlantikoa zehazki, haiek denbora asko daramatelako "hor azpimarra jartzen, eta txostenean ere agertzen da".
EAEko zatian "bidaiari gutxi" izatearen inguruan, Tapiak hauxe azaldu du: "Bi gauza izan behar ditugu kontuan: bat, euskal Y konexio baten parte dela, Ardatz Atlantikoaren parte, eta osotasunean hartu beharko litzateke; eta bi, euskal Y-ren zatian merkantzien eta bidaiarien konexio izateari eman zaiola lehentasuna".
Bestalde, Maria Solana Nafarroako Gobernuaren bozeramaileak esan du txostenean zalantzan jartzen ari diren eredua haiek "denbora luzez salatu" dutela, tren desberdin baten alde egiten dutelako.
Horren harira, Nafarroako Gobernuak "abiadura handiko tren baten ordez, merkantzientzako eta bidaiarientzako gaitasun handiko trena" nahi duela gogorarazi du.
Mikel Otero EH Bilduren legebiltzarkideak, berriz, argi du, eta Jaurlaritzari eskatu dio AHTren lanak premiaz gelditzeko auditoria bat egin arte.
Oteroren esanetan, txostenak argi uzten du azpiegiturak "gehiegizko kostua duela, ez dela eraginkorra, eta urteak daramala dirua xahutzen".
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.