Kontsumorako Prezioen Indizea
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

KPIa % 2,3an mantendu da Euskadin eta % 2,4 igo da Nafarroan, uztailean

Halaber, prezioak % 0,5 jaitsi dira, ekaineko datuekin alderatuta. Lurraldeka, urte arteko tasa % 2,5ekoa izan da Gipuzkoan, % 2,2koa Bizkaian, eta % 2koa Araban.
Etxebizitzaren faktoreak KPIren igoera eragin du. Artxiboko irudia: EiTB
Etxebizitzaren faktoreak KPIren igoera eragin du. Artxiboko irudia: EiTB
author image

Agentziak | Erredakzioa

Azken eguneratzea

Urte arteko inflazioa % 2,3an mantendu da uztailean, Euskadin, eta % 2,4 igo da Nafarroan. Prezioak % 0,5 jaitsi dira, ekaineko datuekin alderatuta.

Estatistika Institutu Nazionalak astearte honetan argitaratu duen Kontsumorako Prezioen Indizearen (KPI) arabera, urteko tasa % 0,5ean dago.

Lurraldeei dagokienez, Gipuzkoan urte arteko % 2,5eko tasa izan du, Bizkaian % 2,2, eta Araban, % 2.

Urtean zehar, oraingoz, prezioak % 0,4 igo dira Araban eta Nafarroan, eta % 0,7 Gipuzkoan.

Produktu eta zerbitzuei buruz, urte arteko tasa Euskadin igo egin zen elikagaietan eta alkoholik gabeko edarietan (% 0,2), edari alkoholdunak eta tabakoa (% 2,8), arropa eta oinetakoak (% 1,3), etxebizitza (% 4,3) eta etxeko gauzak (% 0,8).

Honako hauek ere igo dira: garraioa (% 5,8), komunikazioak (% 2,8), hezkuntza (% 1,0), hotelak, kafea eta jatetxeak (% 1,7) eta besteak atala (% 1,0).

Medikuntza eta aisialdia eta kultura, aldiz, jaitsi egin dira, % 0,2 eta % 0,6, hurrenez hurren.

KPIa % 2,4 igo da Nafarroan uztailean, iazko hil bereko datuekin alderatuta. Ekainarekin alderatuta hamarren bat jaitsi da, baina aurten % 0,3 egin du behera.

Urteko arteko inflazioan, prezioak kontsumo talde guztietan igo dira, aisialdia eta kulturan (- % 1,2) eta etxeko gauzetan (- % 0,2) izan ezik. Batez ere garraioan egin du gora, eta etxebizitza bigarren postuan dago ( % 5,5).

Hotelak, kafea eta jatetxeetan igo dira prezioak (% 3,0), elikagaietan eta alkoholik gabeko edarietan (% 2), komunikazioak ( 2), edari alkoholdunak eta tabakoa (%1,6), medikuntza (% 1,7), arropa eta oinetakoak (% 1,1), hezkuntza (% 0,5) eta besteak (% 0,3) .

Espainian, KPIa % 2,2 igo da uztailean, hau da, hamarren bat ekaineko datuekin alderatuta. Elikagaiak eta aisialdia jaitsi direlako izan da, eta etxebizitzak eta hotelak gora egin dutelako.

KPIa % 0,2 igo da EAEn eta % 0,4 Nafarroan, ekainean
KPIa % 0,8 igo da EAEn eta % 1,2 Nafarroan maiatzean
Urte arteko inflazioa % 1,1era jaitsi da apirilean
Ekonomia Nafarroa Euskal Autonomia Erkidegoa KPIa Eguneko Titularrak

Albiste gehiago ekonomia

18:00 - 20:00
ZUZENEAN
Duela  min.

Zeintzuk dira BBVAren eskaintza berriaren gakoak?

Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz). 

Gehiago kargatu