Espainiako Gobernuak 'eguzkiaren gaineko zerga' kendu du
'Eguzkiaren gaineko zerga' indargabetzea erabaki du Espainiako Gobernuak. Eguzki-energia fotovoltaikoaren garapena eta autokontsumo elektrikoa oztopatzen zuen zergak. Ministroen Kontseiluak errege lege-dekretua onartu du ostiral honetan.
Ministro Kontseiluaren ondorengo prentsaurrekoan, neurriarekin “Espainiaren atzerapena” arindu nahi dutela azaldu du Teresa Ribera Ekologia Trantsiziorako ministroak; izan ere, “eguzkian aberatsa den herrialde batek, Espainiak, 1.000 instalazio ditu eta Alemaniak, aldiz, milioi bat”, ez da logikoa. “Bide luzea dugu egiteko”, adierazi du Riberak.
Gainera, kontsumitzaile baten edo batzuen arteko autokontsumo partekatua onartu dute; ondorioz, eskala ekonomiak aprobetxatzea posible izango da, baita energia elektrikoa bidesaririk eta zordunketarik gabe autokontsumitzea ere.
Horrela, instalazio propioan sortutako eta kontsumitutako energiagatik autokontsumitzaileari ezarritako zordunketa ezabatu du Exekutiboak, ‘eguzkiaren gaineko zerga’ izenekoa, alegia.
Espainiako Gobernuaren ahotan, autokontsumoaren garapenak kontsumitzaileei “alternatiba merkeagoetara” heltzeko aukera ematen die. Gainera, “sare elektrikoaren beharrizanak murrizten lagundu, independentzia energetiko handiagoa sortu eta berotegi-efektuko gasen isuria murrizten du”, erantsi duenez.
Era berean, “ekologia trantsizioari lotutako jarduerak lanpostuak sortzen ditu, gure inguruko herrialdeetan demostraturik geratu den bezala”, Exekutiboak gaineratu duenez.
Iaz, maiatzean, talde politiko guztiek, Alderdi Popularrak izan ezik, inolako zergarik gabe argindarra autokontsumitzeko eskubidea babestu zuten Diputatuen Kongresuan.
Horrela, PPren Gobernuak 2015ean onartu zuen autokontsumo elektrikoaren inguruko errege dekretua indargabetu du Teresa Ribera Ekologia Trantsiziorako ministroak. Kontsumitzaileek argindar propioa sortu ahal izateko lehen araudia izan behar zuen, baina legeak polemika sortu zuen, ‘eguzkiaren gaineko zergagatik’. Auzitegi Gorenak neurria babestu zuen.
Albiste gehiago ekonomia
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.
AEBko banku zentrala interes-tasak jaistea aztertzen ari da
Jerome Powell Erreserba Federaleko presidenteak Trumpen garaiko lehen murrizketa iradoki du, eta New Yorkeko burtsak gora egin du.
Grebari amaiera emateko enpresaren eta Udalaren jarrera “arduragabea” kritikatu dute Gasteizko lorezainek
Ohartarazi dutenez, "ez da gatazkaren amaiera ikusten" eta euren lan-aldarrikapenak babesteko herritarren sinadurak biltzen hasi dira.
Europar Batasunak akordio formala itxi du AEBekin % 15eko muga-zerga orokorrerako
Automobilei muga-zergak murrizteko, baldintza da AEBko nekazaritza-produktu eta elikagaiei zergak kentzea.