Itzuliko al dit Ogasunak amatasun laguntzaren PFEZaren zenbatekoa?
Ostiralarekin etorri zen albistea. Auzitegi Gorenak ebatzi zuenez, amatasun prestazio publikoei ezin zaie Pertsona Fisikoen Errentaren Gaineko Zerga (PFEZ) ezarri, eta emakumeek erditu osteko 16 hilabeteko bajan jasotzen duten prestazioan salbuetsita egon behar du atxikipen horrek. Hala, Zerga Administrazioko Espainiako Agentziak ordura arte ezarritako irizpidearen kontra egin zuen Gorenak, dirutza itzultzera behartuta.
Ordudanik, zalantza sortu da milaka gurasoren artean: Niri ere badagokit itzulketa? (azken lau zerga-ekitaldiei bakarrik eragiten die —2014 urtetik aurrerakoak—, besteak iraungita baitaude) Non eta nola eska dezaket? EAEko eta Nafarroako zergadunen artean handiagoa da duda-muda, Gorenaren epaia Estatuko lege baten gainekoa baita (2006ko PFEZarena). Estatuko lege horrek ez zuen argi uzten prestazioak salbuetsita zeuden ala ez, eta interpretaziorako tartea zegoen. Kontu zalantzagarri horren inguruan irizpidea ezarri zuen Gorenak.
Bizkaian, Gipuzkoan, Araban eta Nafarroan, foru eskuduntzen artean dago PFEZa arautzea, eta hortaz, zerga horren inguruko lege propioa garatu du bakoitzak. Orain arte, Foru Aldundiek Zerga Administrazioko Espainiako Agentziaren irizpide bera izan dute, alegia, laguntzak soldataren parte direla, eta beraz, zerga ezarri behar zaiela. Gorenaren epaiak Estatuaren irizpide hori oker interpretatzen ari zela ondorioztatu zuen, baina argitzeke dago foru legeen inguruan interpretazio bera egin daitekeen. Nafarroan, amatasun prestazioak salbuetsita egon ziren 2012ra arte, baina UPNren Gobernuak, PP eta PSN alderdien aldeko botoekin, legea aldatu eta espresuki aipatu zuen salbuetsita ez zeudela.
eitb.eus lau Ogasunetako arduradunekin harremanetan jarri da, auzia argitzeko asmoz:
ARABA
2013tik, amatasun laguntza lan-etekin gisa hartzen da, eta dagokion PFEZa ezartzen zaio, gaixotasun bajekin egiten den bezala. Hala, amatasun prestazioak ez daude salbuetsita.
Dena dela, egoera ez da beti horrela izan. 2009-2011 ekitaldien artean amatasun eta aitatasun prestazioa salbuetsita egon zen Araban. 2010ean, Arabako Erakunde Juridikoak —zergadunen eta Foru Ogasunaren artean bitartekaritza lanak egiten dituen erakundea— arrazoia eman zion PZEFa kobratu zioten ama bati.
Handik hiru urtera, baina, Arabako Batzar Nagusiek amatasun laguntzen zerga salbuespena kendu zuten, egoera Bizkaikoarekin eta Gipuzkoakoarekin parekatzeko.
BIZKAIA
Bestalde, Bizkaiko Ogasuneko zerbitzu juridikoek epaia "aztertzen" ari direla esan dute, foru araudiari eragiten dion argitzeko.
Erakundeko iturrien arabera, 2013ko PFEZaren foru araudiaren 9.12. artikuluak ezarritakoaren arabera, Erkidegoetatik edo beste toki-erakundeengatik jasotako amatasun eta aitatasun bajen prestazio publikoak salbuetsita daude. Beste hauetan ere, gauza bera gertatzen da: jaiotzatan, erditze bat baino gehiagotan, adopzioetan, adopzio bat baino gehiagotan, seme-alabak kargura dituzten familietan eta zurztasun kasuetan.
Bizkaiko Ogasunak dirua itzuli behar duen argitu "orduko" jakinaraziko die zergadunei.
GIPUZKOA
Bizkaiko Ogasunak, berriz, ezetz biribil batez erantzun du eta Gorenaren epaiak "jurisprudentzia ez duela ezartzen" esan du, epaia "kasu bakar bati egokitzen baitzaio". Hori horrela, Gipuzkoan, "oraingoz", amatasun bajak PFEZaren barruan deklaratzen jarraituko dira.
NAFARROA
2012an legean egindako moldaketak —2013an sartu zen indarrean— "argi eta garbi" uzten du amatasun prestazio publikoen PFEZa ordaindu behar dela. Hortaz, Estatuko legea ez bezala, Nafarroakoa "oso argia" da. Hartara, itzulketak eskatu nahi dituzten emakumeek "zail" izango dute auzitegiek arrazoia ematea, Ogasuneko iturriek azaldu dutenez.
Dena dela, "galera" hori konpentsatzeko seme-alaba edukitzen dituzten familientzako laguntza onartu zuen uztailean Nafarroako Gobernuek. Adostutakoaren arabera, amatasun edo aitatasunagatik bajan egondako gurasoek % 25eko kenkaria izango dute errenta aitorpena egitean. Portzentaje hori progresiboki jaisten joango da diru-sarrerak handituz joan ahala (urtean 105.000 euro baino gehiago kobratzen dutenei ez diete kenkaririk aplikatuko). Laguntza hori 2019an sartuko da indarrean.
Zure interesekoa izan daiteke
Epaia bete eta Petronorreko langileak lehengo aldageletan alda daitezkeela erabaki du zuzendaritzak
2025eko udazkenean 83 eguneko greba egin zuten langileek aldagelaz aldatu zituztenean, aldaketak lanaldia 15-30 minutu luzatzea zekarrela salatzeko. Epaitegiek arrazoia eman zieten. CC.OO.k uste du enpresak txandak egiteko prozedurarekin iruzurra egin nahi diela orain.
Normaltasuna itzuli da AP-8 autobidera, Biriatu parean goiz osoan auto-ilara luzeak izan eta gero
06:00ak aldera utzi diote laborarien traktoreek A-63 autobidea blokeatzeari, eta behin errepidea irekita, azken egunetan muga igaroko zain ziren ehunka kamioi pilatu dira inguru horretan. Kamioiek eskuineko erreia oztopatu dute, eta 11 kilometrorainoko kamioi ilarak sortu dira. 14:00ak aldera itzuli da normaltasuna errepidera.
Eusko Jaurlaritzak bertan behera utzi du Lapurdira igaro nahi duten 7,5 tona baino gehiagoko kamioiei ezarritako debekua
Biriatuko muga zabal dute ibilgailu guztientzat, Ipar Euskal Herriko laborariek A-63 autobidea blokeatzeari utzi ostean.
Mugako mobilizazioek bost milioi tona merkantzia kaltetu dituztela ohartarazi du Guitransek
Gipuzkoako elkarteak eta Fitransek ohartarazi dute Biriatuko blokeoak galera handiak eragin dituela garraioaren sektorean, eta luzatzen bada jarduera industrialari eragin diezaiokeela ohartarazi dute.
Behargin bat larri zauritu da Urdiaingo tailer batean, lan-istripu baten ondorioz
Zortziak pasatxo gertatu da ezberharra Urdianigo lantegi batean; 37 urteko langileari eskua harrapatuta gelditu zaio eta bi hatz galdu ditu. Gainera, beste langile bat zauritu da beste lan-istripu batean, Elizondon.
Nafarroako autoeskolek aztertzaile falta salatu dute berriro
Salatu dute aztertzaile faltak eta DGT Probintzialaren bulegoetan dagoen langile faltak "atzerapen handiak" eragiten dituela, "bai azterketa teorikoetan, bai praktikoetan", eta gogorarazi dute azterketa egitea "eskubidea" izan beharko litzatekeela, "ez pribilegioa". Astelehenero manifestatzen jarraituko dute egoera konpondu arte.
Bi urteko geldialdiaren ostean, gaur itzuli dira lanera Balenciaga ontziolako beharginak
Abu Dhabi Ports Arabiako taldearen agindupean arituko da aurrerantzean Zumaiako ontziola. Abenduan itxi zuten langileek eta Arabiako taldeak salmenta. Adostutakoaren arabera, soldatak % 5 jaitsiko dizkiete, eta hiru urtez izango dituzte izoztuta.
Osakidetzako medikuek bi greba egun gehiago egingo dituzte urtarrilaren 14an eta 15ean
Hala jakinarazi du ohar bidez Euskadiko Medikuen Sindikatuak. Bi greba egunak aste honetan bertan egingo dituzte, eta horrekin batera hainbat elkarretaratze antolatu dituzte Bilbon eta Gasteizen.
ErNEk segurtasunean immobilismoa dagoela eta 2026a herritarrentzat arriskutsua izango dela ohartarazi du
Sindikatuak inbertsio falta, bitarteko zaharkituak eta Ertzaintzan langile saturatuak daudela salatu du.
Ertzaintzak eragotzi egin die nekazariei traktoreekin A-1 autobidean protesta egitea
A-1 autobideko eskuineko erreia hartu nahi zuten Done Roman Millan parean (Araiatik gertu), baina Ertzaintzak ez die autobidean sartzen utzi. Oraingoz, ez dago auto-pilaketarik.