Soldata-arrakala txikitzeko 283 milioi euro bideratuko ditu Jaurlaritzak
Euskal Autonomia Erkidegoan (EAE) emakumezkoen eta gizonezkoen arteko soldata-arrakala txikitzeko estrategia onartu du gaur Eusko Jaurlaritzak gobernu bileran. Benetako berdintasuna helburu, plan horretara 283 milioi euro bideratuko ditu Jaurlaritzak datozen bi urteetan.
Xedea 2030erako Europako herrialdeetan soldata-arrakala txikiena dutenen pare egotea da. Horretarako, 2018-2019 epean, lau ekintza-ardatz, 20 zuzentarau eta 60 neurri zehatz aurreikusi ditu Urkulluren Gobernuak. Izazkun Landaida Emakundeko zuzendariak aurkeztu ditu planaren nondik norakoak.
Landaidaren esanetan, "soldata-arrakalak emakume eta gizonen arteko gure gizarteko desparekotasuna erreproduzitu eta betikotzen duen faktore bat da, eta, beraz, gure erantzukizuna da hura suntsitzea". Dena dela, "arazo bihurri eta dimentsio askotakoa" dela ohartarazi du, eta "ondorioz, askotariko dimentsioetatik landu eta inplikatutako eragile guztiek elkar hartuta" ekin behar dutela.
Emakundek emandako datuen arabera, 2016an, EAEko pertsona langile baten urteko batez besteko irabazia 27.480 euro izan zen: 31.000 euro, gizonezkoek; eta 23.423 euro, emakumezkoek. Hortaz, EAEn % 24,4ko soldata-arrakala dago.
Lanaldi partzialeko lanen % 80, emakumeen esku
Landaidak azaldu duenez, bi motatako soldata-arrakala dago: zuzenekoa eta zeharkakoa. Lehengoan, emakumezkoari gutxiago ordaintzen zaio gizonezkoen lan bera egiteagatik; bigarrenean, "faktore kultural eta sozialak daude tartean, baita enpresa-alorrekoak ere".
Azken horretan, "segregazio horizontal eta bertikal bat ezartzen da eta emakumezkoak soldata txikien duten lanetan zokoratzen dituzte", adierazi du Landaidak. Era berean, "gizon askoren erantzunkidetasun faltaren ondorio ere bada, emakumeak malgutasun gehiagoko lanpostuak hartzera bultzatzen baitituzte zaintza lanetan aritu ahal izateko".
Hala, lanaldi partzialeko lanen % 80 emakumeen esku daude, eta hori, Landaidaren hitzetan, "oztopo handia da soldata hobea duten lanpostuak eskuratzeko eta enpresetan gora egiteko".
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.