Jaurlaritzak aurrekontu proiektua erretiratu du eta 2018ko kontuak luzatu ditu
Abenduak 13, 08:00ak. Eusko Jaurlaritzak ezohiko gobernu bilera egin du ordu horretan aurrekontuen inguruko bi erabaki garrantzitsu hartzeko: Batetik, 2019ko lege proiektua erretiratzea adostu du; bestetik, aurtengo kontuak luzatu ditu. EH Bildurekin gauerdira arte eduki duen negoziazio prozesuak kale egin du, eta horrek errenkadan ekarri ditu erabakiok.
Jaurlaritzak gauerdira arteko epemuga eman zion koalizio abertzaleari ituna ixteko. 00:00ak jota, Jaurlaritzak agortutzat eman du negoziazioa eta 2019ko proiektua erretiratuko duela iragarri du.
Hala, 08:00etan ezohiko gobernu bilera egin du Jaurlaritzak egitasmoa erretiratzea eta 2018ko aurrekontuak luzatzea onartzeko. Ondoren, Eusko Legebiltzarrari jakinarazi dio.
11.784,1 milioi eurokoa zen Jaurlaritzak 2019rako prestatutako aurrekontu proiektua. Inbertsio publikoa % 7,4 eta berrikuntza % 6,5 igotzea ere proposatu zuen.
Erkoreka: "EH Bilduk ez du zehaztu zer, zertarako eta nola nahi zuen"
Azken orduotan jazotakoari buruz egindako lehen balorazio batean, koalizioarekin kritiko agertu da Josu Erkoreka Eusko Jaurlaritzako eleduna. Nabarmendu duenez, "EH Bilduk ez du negoziatzeko borondaterik izan jarrera zehatzetan".
Erkoreka Bizkaia Irratian izan da goizean, eta Jaurlaritzak "ultimatumik" eman ez duela azpimarratu du. Bozeramailearen ahotan, "EH Bilduk ez dio Jaurlaritzaren azkenengo proposamenari ez idatziz, ez telefonoz erantzun. Horren ordez, prentsaurrekoa deitu zuen".
Erkorekak azaldu du koalizioaren ordezkariekin "zazpi bilera" egin dituztela eta Gobernuak "bost proposamen" egin dizkiela. "Erantzuna beti zen bera: ez zela nahikoa, baina ez dute zehaztu zer, zertarako eta nola nahi zuten. Halako solaskideekin zaila da akordioa lortzea", erantsi du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.