Eusko Jaurlaritzak gazte 'mileuristei' alokairua ordaintzeko laguntzak emango ditu
Gazteen emantzipazioa bultzatzeko asmoz, Eusko Jaurlaritzak Gaztelagun programa jarriko du martxan 2019ko urtarrilaren 1ean. Zehazki, gutxien kobratzen duten gazteei alokairua ordaintzen lagundu nahi die: 'mileuristei', alegia, hilean 650-1.000 euro bitartean kobratzen dutenei.
Iñaki Arriola Eusko Jaurlaritzako Ingurumen, Lurralde Politika eta Etxebizitza sailburuaren esanetan, 23-35 urte arteko pertsonei zuzenduta dago. Sailak egindako aurreikuspenen arabera, 2019an 2.500 gaztek eskatuko dute laguntza; 2020an, 4.500ek, eta 2021ean, 6.000k.
Programan parte hartzeko hainbat baldintza bete beharko dituzte interesdunek. Soldataren zenbatekoan eta adinean jarritako mugez gain, gehienez hiru urtez jaso ahalko da laguntza. Eskatzaileek EAEko herriren batean erroldatuta egon beharko dute gutxienez urtebetean. Alokatutako etxebizitza ohiko bizileku beharko du izan, eta dagokion kontratua izan beharko du sinatuta, horren titularra ez den arren (etxebizitza partekatu daiteke, beraz).
Bada gehiago. Etxebizitzaren errentak ezingo du 750 euro baino handiagoa izan Euskal Autonomia Erkidegoko (EAE) hiru hiriburuetako etxebizitzetan. Hiriburuon inguruan daude metropolietan eta 10.000 biztanle baino gehiagoko herrietan 650 euroko muga ezarri dute, eta 600 eurokoa, gainerakoetan.
Banakako eskatzaileek jasotako laguntza hileko errentaren erdia izango da gehienez, eta % 60 etxebizitza partekatua bada. Arriolak gaineratu duenez, jasotako laguntzak ez du inoiz Etxebizitzarako Laguntza Ekonomikoan ezarritako zenbatekoa gainditu (gaur egun, hilean 250 eurokoa da).
Diru-laguntza hori ez da alokairua sustatzeko gainerako laguntzekin bateragarria, eta senitartekoek alokatutako etxebizitzak ez dira diruz lagunduko.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.