Espainiako Aurrekontuak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

EH Bilduk ez dio Sanchezi 'txeke zuririk' emango Aurrekontuak aurrera ateratzeko

Gobernu sozialistak Aurrekontuak onartzeko koalizio subiranistaren laguntza nahi badu, dirua "zertarako erabiliko duen esan beharko digu", esan du Otegik.
Arnaldo Otegi EH Bilduko ordezkariekin, Donostian. Argazkia: EFE
author image

Agentziak | Erredakzioa

Azken eguneratzea

EH Bilduk ohartarazi duenez, ez dio Pedro Sanchezen Gobernuari "txeke zuririk" emango 2019ko Estatuko Aurrekontu Orokorrak aurrera ateratzeko. Gobernu sozialistak koalizio subiranistaren laguntza lortu nahi badu, "hitz egitera eseri eta dirua zertarako nahi duen esan beharko digu".

EH Bilduren Mahai Politikoak asteleheneroko bilera egin du, gaur goizean, Donostian, eta besteak beste, Estatu eredua eta espetxeetako politika jorratzera premiatu du Espainiako Gobernua. Bileraren ostean, Arnaldo Otegi EH Bilduko idazkari nagusiak eta Marian Beitialarrangoitia diputatuak, zein Oskar Matute eta Jon Iñarritu alderdiko ordezkariek, prentsaurrekoa eman dute bileran jorratutako gaien berri emateko.

Otegiren esanetan, "aurrekontuez haratago doan eztabaidan murgilduak gaude, une historiko larrian baikaude". PP, Cidadanos, eta Voxek osatutako "tripartitoa" gidatzen dute Espainiako Estatuaren "noraeza".

Ildo horretan, "tripartito atzerakoiak kontraerreforma martxan jarrai nahi duela" esan du Otegik, eta programa horren ahotsa Pablo Casado dela deitoratu du.

Otegiren hitzetan, Vox gaitz guztien arduradun nagusia badirudi ere, orokorrean, hiru alderdiak bat datoz, esaterako, Katalunian 155. artikulua ahalik eta gogorren ezartzearekin, Estatua berriro zentralizatzeko nahiarekin eta emakumeen eta migratzaileen eskubideak murriztearekin.

"Txeke zuria"

EH Bilduko idazkari nagusiak gogoratu duenez, koalizio subiranistak lagundutako zentsura mozioari esker heldu zen Pedro Sanchez Espainiako Gobernuko presidentetzara, eta ildo horretan, "eskuinari atea beti itxiko diotela" esan du. Hala ere, "horrek ez du esan nahi txeke zuriak inori ematen dizkiogunik", ohartarazi du.

Gobernu zentralaren jarrera "zalantzaz beteta" dagoela eta "erabat kezkagarria" dela esan du Otegik. Hori horrela, Sanchezek "edozein gauza egiten badu ere, eskuineko blokearen mehatxuari aurre egiteko ezkerreko alderdiek edo independentistek Gobernua sostengatzeko beharra dutela pentsa dezake PSOEk".

"Espainiako Gobernuak ezin du jarrera immobilista mantendu eta indar progresistek dohain babestuko dutela pentsatu"

EH Bilduren iritziz, Sanchezen Gobernuak “kalkulu hori egiten badu, oker dago”. "Ezin du zentzu guztietan jarrera inmobilista izanda edo zenbait kontutan jokabide atzerakoia erakutsita independentismoa edo indar progresistak alde izango dituela pentsatu", baieztatu du.

Horregatik, Aurrekontuak eta horiekin lotuta dituen asmoak aurkezteko eskatu dio Gobernuari. "Gurekin hitz egiten eseri beharko da, eta oraingoz ez dugu horretarako gonbidapenik jaso", ziurtatu du. Aldi berean, "eskubide sozialei, Estatu ereduari, plurinazionaltasunari, autodeterminazio eskubideari, espetxe politikari, sakabanaketaren bukaerari eta gaixo dauden presoen askatasunari buruz berba egitea eskatu dio PSOEren Gobernuari.



Aurrekontuak babestuko dituela ziurtzat ez jotzeko aholkatu dio EAJk Gobernuari
Sánchez contempla aumentar la inversión un 92% en Navarra y bajar un 7,8% en la CAV
Ekonomia Arnaldo Otegi Espainiako gobernua Presoak Pedro Sanchez EH Bildu Eguneko Titularrak

Albiste gehiago ekonomia

18:00 - 20:00
ZUZENEAN
Duela  min.

Zeintzuk dira BBVAren eskaintza berriaren gakoak?

Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz). 

Gehiago kargatu