AHTa 2023an martxan egoteko konpromisoa berretsi du Sustapen ministroak
Jesus Loza Espainiako Gobernuak Euskal Autonomia Erkidegoan duen ordezkariak asteartean Abiadura Handiko Trenari buruz esandakoak hautsak harrotu ditu, AHTaren lanak EAEn 2023rako amaituta egotea "zaila" izango dela esan baitu.
Gaur, Jose Luis Abalos Sustapen ministroak haren hitzak zuzendu ditu, eta Espainiako Gobernuaren konpromisoa 'Euskal Y'a 2023an martxan egotea dela berretsi du.
Abalos Gasteizen egon da arratsaldean, Arabako Alderdi Sozialistako zuzendaritzarekin biltzeko, eta hor egin ditu adierazpenok. Idoia Mendia PSE-EEko idazkari nagusia ere bertan izan da.
Ministroak onartu egin du 'Euskal Y'a Burgosko zatiarekin lotzeko tartean arazoak daudela, baina hasi direla "bideratzen" eta 2023ko datari eusten diotela gaineratu du.
Ildo horretan, ostegun honetan Sustapen Ministerioak, Eusko Jaurlaritzak eta Adifek batzarra egingo dutela eta AHTa Gasteizen lurpetik sartzeko proiektua aurkeztuko dutela gogoratu du Abalosek.
Bestalde, Arantxa Tapia Ekonomiaren Garapen eta Azpiegitura sailburuak kritikatu egin ditu Lozaren hitzak, eta esan du AHTa 2023rako martxan ez badago Espainiako Gobernuaren ardura izango dela, aurreikusitako inbertsioak ez betetzeagatik.
Tapiak adierazi du ostegun honetan hitz egingo duela Abalosekin, baina, gaur esan duena aintzat hartuta, "Sustapen Ministerioak epeak betetzeko asmoari eutsi dio", erantsi du.
"Konpromisoak hartuta daude, epeak zorrotzak direla badakigu, baina orain guztioi gogor lan egitea dagokigu", azpimarratu du sailburuak.
Idoia Mendia PSE-EEko buruzagiak Tapiari gogoratu dio bere garaian Mariano Rajoyren Gobernuak aurreikusi zuela AHTa Euskadin 2023an amaituta egotea zaila izango zela.
Halaber, azpiegitura horri bultzada, Eusko Jaurlaritzarekin elkarlanean, PSOEren Gobernuak eman diola esan du.
"Abiadura Handiko Trenarekin erabateko konpromisoa dugu PSE-EEk, PSOEk, Espainiako Gobernuak, Sustapen Ministerioak eta Eusko Jaurlaritzak", azaldu du Mendiak.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.