Gizarte Elkarrizketarako Mahaia martxan da ELA eta LAB gabe

Bilera hasi baino lehen LABeko 30 bat kidek protesta egin dute Lehendakaritzako atarian. Foro “antidemokratikoa” dela salatu du sindikatu abertzaleak.

Agentziak | Erredakzioa

2019/02/11 - 21:44

Azken eguneratzea

2019/02/11 - 21:44

Eusko Jaurlaritzak, patronalak, UGTk eta CCOOk enpleguaren kalitatea hobetzeko lan egingo dute, egonkortasun, laneko osasun eta kualifikazio profesionala bezalako esparruetan.

Exekutiboak, Confebaskek eta bi sindikatuek Gizarte Elkarrizketarako Mahaia osatu dute astelehen honetan. Lanerako egitasmo bat zehaztu eta bost lantalde sortzea adostu dute eragileek. Lantaldeak hilabete bateko epean osatuko dituzte.

Genero berdintasuna lan esparruan, laneko osasuna, enplegua, industria eta lanbide heziketa jorratuko dituzte bost lantaldeek.

ELAk eta LABek ez dute Gizarte Elkarrizketarako Mahaian parte hartu. Bost helburu finkatu ditu Mahaiak, besteak beste, lan harremanetan gizon eta emakumeen arteko berdintasunean aurrerapausoak ematea.

Gizarte-kohesioari laguntzen saiatuko dira, enplegua eta lanpostuen kalitatea hobetuz, egonkortasuna, laneko osasun, kualifikazio profesional eta lan baldintzei dagokionean.

Gainera, eskaintza eta eskariaren arteko harremana hobetzen saiatuko da hiruko mahaia, lanbide heziketaren bidez lan-merkatuaren eskakizun aldakorrak asetzeko, eta enpresen lehiakortasuna eta jasangarritasuna areagotuko du.

San Josek ELAri eta LABi: "Ez parte hartzeko erabakia soilik euren erantzukizuna da"

Bileraren ondotik, gizarte-kohesioa areagotzeko eta langileen baldintzak hobetzeko bidean gaur “pauso historiko” bat eman dutela azpimarratu du Maria Jesus San Jose Eusko Jaurlaritzako Lan eta Justizia sailburuak.

Mahaia osatuta, Jaurlaritzak, patronalak eta sindikatuek “erantzukizunezko ekintza” egin dutela erantsi du San Josek.

Elkarrizketa sozialean parte hartzeko eskatu die sailburuak ELAri eta LABi. Zentzu horretan, antzeko beste organo batzuetan portzentajeen araberako ordezkaritzarik ez dagoela gogorarazi du San Josek. Ez parte hartzeko erabakia “soilik euren erantzukizuna da”, kritikatu duenez.

Bilera hasi baino lehen LABeko 30 bat kidek protesta egin dute Lehendakaritzako atarian. Foro “antidemokratikoa” dela salatu du sindikatu abertzaleak. Ertzaintzak manifestariak atera ditu.

Xabier Ugartemendia sindikatu abertzaleko ekintza eta negoziazio kolektiboaren arduradunak salatu duenez, Mahaia “iruzur hutsa” da, “Confebasken planak garatzen jarraitzeko” eta Iñigo Urkulluren Exekutiboko “politika neoliberalak justifikatzeko” helburua duelako.

"Iruzurrik ez! Demokrazia" lelopean Jaurlaritzaren egoitza okupatu dugu gaur delako elkarrizketa sozialaren mahaiko lehen bilera salatzeko #iruzurrikEz #zureBideLagun pic.twitter.com/FzJ3yHv8Fu
— LAB SINDIKATUA (@LABsindikatua) 11 de febrero de 2019

Zure interesekoa izan daiteke

Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita

Langileekin akordioa lortzea ezinbesteko baldintza zen ontziola erosteko. Horrenbestez, talde arabiarrak 11,2 milioi euroren truke eskuratuko du Zumaiako ontziola.

Behiak txertatzen hasi dira Ipar Euskal Herrian, laborarien protesten artean

Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.

ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik

Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.

CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"

Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.

CAFek lortu egin du "mendeko kontratua": 1.700 milioi euro Belgikan trenak egiteko

Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.

Balenciaga ontziolako langileek atzera bota dute Abu Dhabi Ports talde arabiarraren azken eskaintza

Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.

Talgoren erosketaren ondoren, partzuergoko kideek Rivabellosako fabrika bisitatuko dute

Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.

Petronorreko greba bertan behera, enpresak bide judizialari uko egin ostean

Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.

Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko

Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.

EAEko ekonomiaren hazkundea % 2,1ekoa izango da datorren urtean, Confebasken arabera

Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.