AHT Gasteizera heltzeko ikerketa azkartzeko eskatu dio Urkulluk Espainiako Gobernuari
Abiadura handiko trena Gasteizera heltzeko abian den ikerketa informatiboaren epeen gaurkotzea "azkartzeko" eskatu dio Iñigo Urkullu lehendakariak Espainiako Sustapen Ministerioari, ikerketa hori abiatzeko epea ekainean bukatzen baita.
Urkullu Gasteizen izan da asteazken honetan, Michelin Hirien Nazioarteko Sarearen II. Kongresuari hasiera ematen; bertan, 150 kongresista eta 15 herritako 26 ordezkari, besteak beste, 17 alkate izan dira, hiri eraginkorragoak lortzeko helburu berrien jorraketan lan egiteko.
Urkulluk Gasteizko industria eta azpiegiturak azpimarratu ditu, eta, horren harira, AHT Gasteizera heltzeko hiriak berak, zein euskal erakundeek "gehiegi itxaron dutela" esan du. Era berean, Forondako aireportua 24 ordutan zabalik izateko premia azpimarratu du lehendakariak.
"AHT Gasteizera eramateko ikerketa informatiboaren epeak gaurkotzea eskatzen diot Sustapen Ministerioari", esan du Urkulluk.
Ikerketa hori abiatzeko epea ekainean bukatzen da. Trenbide Antolakuntzako Zuzendariordetzak Abiadura Handiko Trenaren Bilboko sarbideari eta Abandoko geltoki berriari buruz egin duen ikerketa Estatuko Aldizkari Ofizialean argitaratu ostean etorri a lehendakariaren eskaria.
Michelin Hirien Nazioarteko Sarearen II. Kongresua
Industriaren hazkunde-aukerak eta "gure planetarekiko konpromisoa" batzearen alde apustu egin du lehendakariak Gasteizko Europa Jauregian egin da ekitaldian. Bertan izan dira baita ere Arabako diputatu nagusi Ramiro Gonzalez, Gasteizko alkate Gorka Urtaran eta Clermont-Ferrandeko alkate Olivier Bianchi.
Lehendakariak azpimarratu duenez, Giza Garapen Jasangarriaren ereduarekin konprometitutako Herrialdea da Euskal Autonomia Erkidegoa.
Bestalde, Urkullun esanetan, Euskadi Basque Countryk beregain hartzen ditu Nazio Batuen Agenda 2030 eta Garapen Jasangarrirako 17 Helburuak.
Zure interesekoa izan daiteke
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Tubos Reunidoseko langileek 24 orduko lanuztea hasiko dute gaur gauean, enplegu-erregulazio prozesuaren aurrean
Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".