Argindarraren faktura euro bat igo daiteke ekoizpenaren gaineko zergaren ondorioz
Elektrizitatearen prezioaren igoera saihesteko Espainiako Gobernuak hartutako ekoizpenaren gaineko zergaren etendura gaur bukatu da; eta, horrenbestez, baliteke gaurtik aurrera argindarraren faktura % 2 edo % 3 garestitzea, Teresa Ribero Trantsizio Ekologikorako ministro espainiarrak jakinarazi duenez. Beraz, baliteke "familia bakoitzak gehiago ordaintzea: 0,5 eta euro bat artean, hain zuzen".
Espainiako Gobernuak 2018ko urriaren 5ean ezarri zuen, elekrizitatearen gorakaden harira, kontsumitzaileak babesteko lege-dekretua; horren arabera, 2018ko azken hiruhilekoan eta 2019ko lehengoan, elektrizitatearen ekoizpenaren gaineko % 7ko zerga ordaintzetik salbuetsi zituen kontsumitzaileak.
Abuztuan elektrizitateak jasandako gorakadari aurre egin zion horrela Pedro Sanchezen Gobernuak. Irailean argindarraren prezioak urteko marka hautsi zuen.
Hori horrela, irailaren 19an 75,93 euro ordaindu ziren megawatt orduko (MWh), eta hilean batazbeste 71,27 euro ordaindu ziren megawatt orduko (MWh).
Karbono dioxidoaren eta gas naturalaren eta ikatzaren emisio eskubideen garestitzeak nazioartean eragin zuen prezioen igoera.
Pedro Sanchezen Gobernuak elektrizitatearen ekoizpenaren gaineko zerga betirako indargabetu nahi du, horretarako, energiaren gaineko zergak aldatu beharko ditu eta horretan lanean ari da; baina, apirilaren hauteskunde orokorrak direla eta, zergaren etenaldia ez luzatzea erabaki du.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".