Elektrizitatearen ekoizpenaren gaineko zerga bertan behera utziko dute sei hilabetez
Espainiako Gobernuak bertan behera utziko du sei hilabetez, energia elektrikoaren ekoizpenaren balioaren gaineko % 7ko zerga; baita, ekoizpen elektrikorako hidrokarburoen gaineko zerga ere, argindarraren prezioa merkatzeko helburuarekin.
Eskari elektriko handieneko hilabeteetan bertan behera uztea erabaki dutela eta, horrek, etxeko kontsumitzaileei % 4ko aurrezpena ekarriko diela azaldu du Teresa Ribera Trantsizio Ekologikorako ministroak.
Espainiako Gobernuak pobrezia energetikoa saihesteko premiazko neurrien lege dekretua aurkeztu du ostiral honetan.
Hori horrela, elektrizitateko handizkako merkatuan prezioa moteltzeko helburuarekin, 2012an PPko Gobernuak ezarritako zerga bertan behera uzteko erabakia hartu du Pedro Sanchezen Gobernuak.
Halaber, "zentimo berdea" delako Hidrokarburoen gaineko Zerga Berezian ere aldaketak ezarriko ditu. Zerga hori hidrokarburoen energia iturrien erabilera saihesteko ezarri zen, baina horrek elektrizitatearen garestitzea ekarri du handizkako merkatuan.
Riberak Ministroen Kontseilu osteko prentsaurrekoan azaldu duenez, neurririk ez bada hartzen, argindarraren fakturak % 3,6 igo lezake urte amaieran, iazko datuekin alderatuta.
Hartara, 2.600 kilowatt kontsumitzen dituzten etxebizitzetan igoera 23,4 eurokoa izan liteke 2018 osorako, merkatuko prezioen arabera; orduko 3.600 kilowatt kontsumitzen dituztenetan, berriz, 32,4 eurokoa, Ministerioak egindako kalkuluek erakusten dutenez.
Hain zuzen ere, errege dekretu-legean finkatutako bi neurri fiskal horiekin, azken lauhileko argindarraren fakturaren igoera % 25 murriztuko dutela aurreikusi du Gobernuak. Hala balitz, orduko 2.600 kilowatt kontratatu dituzten etxebizitzetan 6,2 euro jaitsiko litzateke fakturaren zenbatekoa, eta 3.600 KW-ko kontratua dutenetan 8,5 euro.
Hala eta guztiz ere, Teresa Riberak esan du bi neurri fiskal horiek behin-behinekoak direla, eta behin sei hilabete horiek igarota Gobernua neurri estruktural berriak adosten saiatuko dela, merkatuaren funtzionamendua berritzeko eta energiarekin lotutako zerga-sistema berrikusteko.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.