Elektrizitateari lotutako zerga bat kenduko dute, argindarraren faktura murrizteko
Espainiako Gobernuak elektrizitatearen ekoizpenari ezarritako % 7ko zerga kentzea erabaki du, kontsumitzaileen argindarraren faktura berehala murrizteko helburuarekin. 2012an, Alderdi Popularraren agintaldian, onartu zuten zerga hori.
Teresa Ribera Trantsizio Ekologikorako ministroak Kongresuan azaldu duenez, "Espainiako Gobernuak dituen asmoak zeintzuk diren jakinarazteko eta kontsumitzaileen fakturak arintzeko neurririk egokiena da; izan ere, ezin daiteke zama hori kontsumitzaileen gainean jarri".
Riberak iragarri du "datozen asteetan" Espainiako Gobernuak argindarraren prezioaren gorakadari aurre egiteko neurri gehiago hartuko dituela eta, besteak beste, egoera larrienean dauden kontsumitzaileak babestea izango dutela helburu. Ildo horretan, bono sozial elektrikoa hobetuko dutela eta berogailua izateko bono berri bat indarrean jarriko dutela erantsi du.
Espainiako Gobernuak argindarraren merkatua erreformatzeko borondate irmoa duela esan du, eta horretarako zentzuzko zergak ezartzea eta eredu energetiko garbi, eraginkor eta digitalizatuaren aldeko urratsak ematea ezinbestekotzat jo du.
"Ezin dugu inprobisatzen jarraitu, ezta karbonizazioarekin amaitzeko helburuarekin bateraezinak diren partxeak jarri ere. Beteko ez diren itxaropenak sortzen dira horrela eta horrek gerora ondorioak izaten ditu", gaineratu du.
Facuak dio argindarraren faktura ez dela jaitsiko
Bestalde, Facua kontsumitzaileen elkarteak ohartarazi du Espainiako Gobernuak gaur iragarritako neurriarekin ez dela argindarraren prezioaren gorakadaren arazoa konponduko.
Ruben Sanchez elkarte horretako bozeramailearen hitzetan, neurri horrekin argindarraren faktura ez da murriztuko. "Espainiako Gobernuak ez dio argindarraren oligopolioari aurre egin nahi. Ematen du herrialde honetan konpainia elektrikoek Gobernuak berak baino gehiago agintzen dutela", kritikatu du.
Sanchezek gogoratu du abuztuan argindarraren prezioa % 3 garestitu zela, eta beste horrenbeste egin duela irailean, "eta hori Espainiako Gobernuak iragarritako neurriarekin murriztuko litzatekeena baino gehiago da", salatu du.
"Zerbait gehiago espero genuen, ez asko, baina bai zerbait gehiago", deitoratu du.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.