Bilboko Aireportuko pasareletako langileak, greba mugagabean
CSIF sindikatuak deituta, Bilboko Aireportuko 'finger' edo pasareletako 13 langileek greba mugagabea abiatu dute gaur, % 5eko soldata igoera eta lan baldintza eta instalazioak hobetzea eskatzeko.
Lanuzteak Aste Santuko oporren hasierarekin bat egiten du, hegaldi kopurua nabarmen hazten den garai batekin, alegia. Bost jaiegunotan 869 hegaldi hartuko ditu Bilboko Aireportuak. Bidaiariak hegazkinetara eramateko erabiltzen diren tunel edo pasarelak garraiatzeaz eta mantentzeaz arduratzen dira greban dauden langileak.
Gorka Bermejo beharginon ordezkariak eitb.eus-i jakinarazi dionez, litekeena da grebaren ondorioz "hegaldiak atzeratzea edo bertan behera uztea", pasarelarik ez dagoenez, bidaiariak autobusez mugitu behar direlako, eta "Loiuko aireportuan ez dago hainbeste hegazkini zerbitzua emateko bitartekorik".
AENAko iturriek jakinarazi digutenez, "oraingoz, grebak ez du aparteko eraginik izan aireportuaren funtzionamenduan".
"Urtebete eta erdi borrokan"
Bermejoren hitzetan, lan gatazka esleipena duen enpresaren —Dimain Systems— "utzikeriagatik" sortu da, ez baitu "negoziazio mahaian jesarri ere egin nahi". Langileek % 5eko soldata igoera —batez beste 1.200 euro kobratzen dituzte, asteburuak barne— eta lan baldintza eta instalazioak hobetzea eskatzen dute. "Laneko arropa lortzeko ere borrokan ibili behar izan gara. Kale gorrian egiten dugu lan, eta, halere, ez genituen euritarako jantziak. Aldageletan saguak izan ditugu... 2017ko azarotik daramagu borrokan, eta enpresak ez du negoziatu nahi", salatu dute.
Langileen bozeramailearen arabera, lanean eman dituzten 15 urteotan ez dute greba bakar bat ere egin; "aurrenekoa da honakoa", erantsi du. "2011an soldata % 21 jaitsi genuen. Beti egon gara negoziatzeko prest. 2017an beste enpresa sartu zen, eta baldintzetan % 42ko igoera zuen arren, ez die gure aldarrikapenei erantzun nahi", azaldu du.
Gaur goizean hegazkinek ez zuten pasarelarik. Argazkia: CSIF
Bermejok salatu du Dimain Systems enpresa greba "boikotatzen" saiatu dela hasieratik. "Gaur bertan Lan Ikuskaritzan hainbat arau-hauste salatuko ditugu. Ez dugu bat bera ere onartuko".
Sustapen Ministerioak ezarritako gutxieneko zerbitzuen arabera, grebak dirauen artean bidaiariak autobusez mugitu beharko dituzte, hegazkinentzat dauden 15 lekuak guztiz bete arte. 15ak betez gero, pasarelak erabili beharko lirateke. Hori horrela izan arren, goizean "irregulartasunak" izan direla salatu dute langileek.
Beharginek elkarretaratzea egin dute gaur eguerdian aireportuko irteeren hall-ean, eta hala egingo dute egunero, greban dauden bitartean.
Zure interesekoa izan daiteke
Eusko Jaurlaritzak "positibotzat" jo du Balenciaga ontziolan lortutako akordioa, eta langileei egindako "esfortzua" eskertu die
Eusko Jaurlaritzako Industria, Trantsizio Energetiko eta Jasangarritasun sailburuak esan duenez, negoziazioan "soka asko tenkatu da, baina ez da inoiz apurtu". Akordioak lan-karga emango die ontziolaren beraren beharginei zein haren menpe dauden lanpostu ez zuzenei.
Zumaiako alkateak zoriondu egin ditu Balenciaga ontziolaren negoziazioan parte hartu duten alde guztiak
Zumaiako alkateak zorionak eman dizkie Balenciaga ontziolaren negoziazioan parte hartu duten alde guztiei, eta aipamen berezia egin die langileei.
Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori eginda, talde arabiarrak Zumaiako ontziola erosi ahalko du 11,2 milioi euroren truke.
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.