LANGABEZIA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Langabezia tasa % 10,2ra jaitsi da EAEn 2019ko lehen hiruhilekoan

Lanik gabe dauden emakume kopuruak gora egin du (4.800 emakume gehiago lan gabe). Oro har, lanean ari den pertsona kopuruak % 0,2 egin du behera (2.300 pertsona), 935.100 langiletan kokatu arte.
Bi langile obra batean lanean, artxiboko irudi batean. CC0 lizentzia duen argazkia
author image

AGENTZIAK | ERREDAKZIOA

Azken eguneratzea

Euskal Autonomia Erkidegoko langabezia tasa % 10,2koa izan da 2019ko lehen hiruhilekoan, Eustat Euskal Estatistika Erakundeak gaur kaleratutako datuen arabera. Datua duela urtebetekoa baino %1,1 txikiagoa da (11.000 langabe gutxiago), eta 2018ko azken hiruhilekoan baino hamarren bat txikiagoa (1.100 langabe gutxiago).

Azken urtean, gora egin du lanean ari den pertsona kopuruak (16.200 gehiago, 9.000 gizon eta 7.200 emakume) eta okupazio tasa % 67,6koa da.

Langabeziaren eta okupazioaren eboluzioaren ondorioz, jarduera tasa % 56,5ean kokatu da 2019ko lehen hiruhilekoan, aurreko hiruhilekoan baino % 0,1 beherago.

Urteko lehen hiruhilekoan 106.200 pertsona zeuden lanik gabe EAEn. Langabeen artean 49.200 gizonezkoak ziren eta 57.000, ostera, emakumezkoak. Gizonezkoen kasuan langabeziak behera egin du azken hiruhilekoan (5.800 gutxiago) eta emakumeen kasuan, berriz, gora (4.800 gehiago).

Gizonezkoen langabezia tasa % 9koa da (%1,1 puntu gutxiago), eta emakumezkoena, berriz, % 11,5 (% 1 gehiago). Gazteen langabezia tasak jarraitzen du altuena izaten: % 19,7. Gainera, aurreko hiruhilekoarekin alderatuta, % 0,6 igo da.

Lurraldez lurraldeko datuei erreparatuta, langabeen jaitsiera handiena Gipuzkoan gertatu da (-1.200), eta langabezia tasa % 7,9an kokatu da, aurreko hiruhilekoan baino % 0,3 beherago. Bizkaian, 61.800 langabe daude, 300 gutxiago, eta langabezia tasa % 11,3koa da, % 0,1 gutxiago. Araban, 500 langabe gehiago daude aurreko hiruhilekoan baino, eta langabezia tasa %0,4 igo da, %11,3raino.

Jarduera sektoreei begiratuta, okupazioa guztietan hazi da, industrian izan ezik. Beste aldean, zerbitzuak nabarmendu dira, okupazio garbia 15.900 pertsona igo baita.

Azkenik, pertsona aktibo guztiak langabezian dituzten etxeak edo familiak 30.800 dira, aurreko hiruhilekoan baino 2.200 gutxiago.

2.057 langabe gutxiago martxoan, Hego Euskal Herrian
627 langabe gutxiago zeuden otsailean Hego Euskal Herrian
1.813 langabe gehiago zeuden urtarrilean Hego Euskal Herrian
17.000 emakume gehiago ari ziren lanean 2018an EAEn
Hego Euskal Herrian 7.800 langabe gutxiago zenbatu zituzten 2018an
Langabezia % 11,1etik % 10,2ra jaitsi da 2018an, EAEn
Ekonomia Araba Bizkaia Gipuzkoa Euskal Autonomia Erkidegoa Lana Eguneko Titularrak Eustat

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu