ELAk 26 greba egun deitu ditu Gipuzkoako zahar-etxeetan
ELAk beste 26 greba egun deitu ditu Gipuzkoako zahar-etxeetan. Lanuzteak ekainaren 17tik uztailaren 12ra bitartean izango dira. Dagoeneko 62 greba egin dituzte lan baldintza hobeak eskatuz.
Txomin Lasa ELA sindikatuko ordezkariak esan du maiatzaren 26ko hauteskundeetan edozer gertatzen dela ere, gatazkak hor jarraituko duela eta, beraz, Gipuzkoako Foru Aldundian dagoenak gatazka konpontzeko ardura izango duela.
"Gure borroka alderdi eta hauteskundeen gainetik dago, eta langileek kalean jarraituko dute", ohartarazi du.
Beharginek ere azpimarratu dute "azkeneraino" joateko prest daudela "kalitatezko zerbitzua" lortzeko borrokan.
Sektore honetan langile ia guztiak emakumeak dira. Hain zuzen ere, prekarietatea emakumeak direlako pairatzen dutela salatu dute. "Baldintza oso txarretan egiten ditugu zaintza lanak, aldi baterako kontratuekin eta sektore honetako gizonek baino gutxiago kobratuta", kritikatu dute.
Halaber, gizonen eta emakumeen arteko soldata arrakala urtean 6.000 eurokoa dela jakinarazi dute. Honen guztiaren arduradunak Markel Olano Gipuzkoako ahaldun nagusia eta Maite Peña Gizarte Politiko diputatua direla salatu dute. "Jakin dezatela beren gezurrak jada ez dituela inork sinesten", gaineratu dute.
Batasun sindikalari dagokionez, Lasak esan du ELAk eskua luzatuta jarraitzen duela, baina "zail" ikusten duela borroka bateraturik egitea, "LABek 10-15 greba deitu dituenean eta CCOOk eta UGTk bat bera ere ez".
Zure interesekoa izan daiteke
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.