Espainiako Bankuak erretiro adina atzeratzea eskatu du berriro hauteskundeen ostean
Pablo Hernandez de Cos Espainiako Bankuaren gobernadoreak pentsio sistemaren jasangarritasuna bermatzeko erreforma bat eskatu du erakundearen urteko txostenean. Iragan legealdian Toledoko Itunak kale egin ondoren, "adostasun zabalak eta justifikaziorik gabeko atzerapenak" saihestea aldarrikatu du erakundeak.
Pentsioak bermatzeko neurri gehiago hartzea beharrezkoa dela ziurtatu du Hernandez de Cosek, diru-sarreren zein gastuen gainean. Benetako erretreta adinaren eta legalaren arteko "lerrokatze handiagoa" errazteko pizgarri berriak eskatu ditu; are gehiago, pentsioen inguruan hartutako azken neurriak jasangarritasun faktorearen aplikazioa 2023ra arte atzeratzea eta pentsioen balioa KPIren arabera handitzea izan direnean.
Nahiz eta erabateko adostasuna ez lortu neurriak lehenbailehen hartzea eskatu du erakundeak, Espainiako Bankuko iturrien arabera.
Urteko txostenean, biztanleriaren zaharkitzeak Espainiako ekonomian izango dituen ondorioak aztertu ditu erakundeak. Besteak beste, hazkunde potentziala, enplegu, aurrezki tasa, kontsumo, inbertsio, soldata, zerga-bilketa eta kotizazio sozialen murrizketa aipatu ditu Espainiako Bankuak.
Erretiroaren prestazioak jasoko dituzten biztanleen (66 urtez gorakoak) eta lan egiteko adinean dauden biztanleen (16-66 urte) arteko ratioa bikoiztu egingo da 2020 eta 2050 artean. Horrek pentsio, osasun eta epe luzeko zaintzan gastu publikoa areagotuko duela uste du Espainiako Bankuak.
Egoera honen aurrean, Espainiako Bankuak neurriak hartu behar direla uste du, horien artean, erretreta adina luzatzea, adineko beharginek lanean jarraitzeko neurriak aplikatuz, lanpostu aldaketa erraztuz, jarduera uztera lagundu beharrean.
Erretiro-adina atzeratzeko neurriak 2011n jarri zituzten mahai gainean, eta 2027an gauzatzeko asmoa dute. 38,5 urtez azpiko kotizazioa duten langileei erretreta 67 urtetara arte atzeratuko diete. Hala ere, benetako erretreta adinak 65 urtez azpitik izaten jarraitzen du, eta "ez du hazteko joerarik azaltzen".
Aldi berean, ordaindutakoaren araberako pentsioen, lan bizitzan egindako ekarpenaren eta bizi-itxaropenaren arteko lotura indartzeko "politikak aztertzea" aldarrikatu du erakundeak.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.