Bilera antzua izan dute Jaurlaritzak eta itunpeko hezkuntzako sindikatuek
Bilera antzua egin dute goizean Eusko Jaurlaritzako Hezkuntza Sailak eta Euskal Autonomia Erkidegoko (EAE) gizarte ekimeneko itunpeko ikastetxeetako sindikatuek. Jaurlaritzak deituta, exekutiboak Gasteizen duen egoitzara joan dira sindikatuak, 10:00etan. Ordu eta erdi geroago, bi aldeak "etsita" azaldu dira komunikabideen aurrean.
Miren Zubizarreta ELAko ordezkariak esan duenez, Jaurlaritzak "itxurak" egin nahi zituen gaurko bilerarekin, "gatazka honetan eskua hartzen ari denarena-edo", baina ez du "planteamendu edo proposamen egokirik" egin, salatu du.
Olatz Garamendi Administrazio eta Zerbitzuen sailburuordeak, berriz, adierazi duenez, "Jaurlaritzatik beti esan dugu gu ez garela parte izango gizarte ekimeneko itunpeko ikastetxeen gatazkan, baina laguntzeko borondatea badugula. Gaur etsita atera naiz bileratik, sindikatuen aldetik erantzun bakarra jaso dugu: ez, ez eta ez".
12:30ean patronalarekin biltzekoak ziren Hezkuntza Saileko ordezkariak.
Sindikatuek biharko Lan Harremanen Euskal Kontseiluan bilera deitu zuten atzo, baina hitzordu horretara joango ez dela iragarri zuen Eusko Jaurlaritzak.
Josu Erkoreka bozeramaileak gobernu bileraren osteko prentsaurrekoan azaldu zuenez, Lan Harremanen Euskal Kontseiluaren egoitzan izango da bilera, baina ez du erakunde horren "bermerik". Horrela, batzarrera joango ez dela berretsi zuen Hezkuntza Saileko ordezkariak.
Albiste gehiago ekonomia
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5 igotzeko
Adierazpen ofizialak ez du argi adierazten Espainia salbuetsita ote dagoen. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.
BBVAk Sabadellen akzioak erosteko eskaintzarekin jarraitzen duen erabaki behar du, Espainiako Gobernuak fusioa hiru urtera luzatzeko agindua eman ostean
Salvador Illa Generalitateko presidentea pozik agertu da, erabakiak "lehia orekatua" eta "langileen, bezeroen eta enpresen eskubideak" bermatzen dituelako.
Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpok Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jarriko duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.