Greba egun gehiago deituko dituzte EAEko itunpeko ikastetxeetan erantzunik ez badago
Ikasturteko 24. greba eguna egin dute ostegun honetan, eta gatazkak ez du konpontzeko zantzurik. ELA, Steilas, LAB, CCOO eta UGT sindikatuek ikastetxeotako 9.000 langile deitu dituzte gaurkoan grebara.
11:30ean manifestazioa egin dute Donostian, eta 10 urtez berritu gabe dagoen hitzarmena gaurkotzea eskatuko dute, beste behin.
Kristau Eskolaren "proposamenetan aldaketarik ez badago, jarrera endrokatuan jarraitzen badute eta ganorazko erantzun bat ez badute ematen, mobilizazio eta grebekin jarraitzera bultzatuko gaituzte", ohartarazi dute gaurkoan sindikatuek.
Gaurkoa ikasturteko azken greba eguna bada ere, sindikatuek iragarri dute maiatzaren 23an azken mobilizazio bat —ez da lanuztea izango— egingo dutela blokeoa eta aurrerapauso falta "agerian uzteko".
Kristau Eskolari "erabateko fede gaiztoz" aritu izana egotzi diote; baita "jarrerak hurreratzeko eta akordioak adosteko aukerak boikotatu izana ere".
Bestalde, "grebek nolabaiteko eragina izan dutela uste duten langileak badaudela, eta horrenbestez, mobilizazioekin jarraitzeko langile kopuru handia dagoela" azaldu dute sindikatuek.
Miren Zubizarreta ELA sindikatuko bozeramaileak (gehiengoa du) atzo onartu zuenez, "ezin dugu baieztatu" hurrengo ikasturtean gatazkak jarraituko ez duenik. Patronala egin zuen blokeoaren erantzule. Izan ere, horren hitzetan, Kristau Eskola "batasun sindikala apurtzen saiatu da" ikastetxeetan, ELAk bakarka egindako proposamen bat banatu eta gero.
Kristau Eskolak, bestalde, esan zuen baduela negoziatzeko borondatea, baina sindikatuen eskariek "marko arautzailea" gainditzen dutela.
Bien bitartean, Cristina Uriarte Eusko Jaurlaritzako Hezkuntza sailburuak iragarri zuen 2,6 milioi euro bideratuko dituztela itunpeko ikastetxeetan errefortzu gisa hezkuntza bereziko profesionalak kontratatzeko. Uriarteren hitzetan, sindikatuetako aldarrikapenetako bat da hori.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.