Aurrerapausorik ez, itunpeko ikastetxeetako patronalen eta sindikatuen arteko bileran
Gizarte ekimeneko itunpeko ikastetxeetako sindikatuek eta bi patronal nagusiek bilera egin dute Bilboko Lan Harremanetarako Kontseiluan, baina ez dute inolako aurrerapausorik eman lan-hitzarmena berritzeko. Hamar urte baino gehiago daramatza berritu gabe.
Alde batean, sindikatuak izan dira (ELA, CCCO, Steilas, LAB eta UGT), eta bestean, bi patronal nagusiak: Kristau Eskola eta Aice-Izei.
Cristina Uriarte Hezkuntza sailburua ere bilerara deituta zegoen, baina ez da joan, asteartean Josu Erkoreka Eusko Jaurlaritzako bozeramaileak aurreratu zuen moduan.
Mikel Ormazabal Kristau Eskolako zuzendari nagusiak "proposamen berri bat" eraman du batzarrera, baina sindikatuek atzera bota dute, "maiatza hasierako greben aurretik aurkeztu ziguten bera delako".
Batzarra amaituta, Ormazabalek ziurtatu du eskaintza horrek "elementu ezberdinak" dituela, aurreko dokumentuekin alderatuz gero, tartean soldatari lotutakoak.
"Ez da urratsik izan, baina nola negoziatuko dugun argitu dugu, gure proposamena helarazi diegu eta ekaineko bileran horretaz hitz egingo dugu", erantsi du Ormazabalek.
Bestalde, Miren Zubizarreta ELA sindikatuko ordezkariak Cristina Uriarte Hezkuntza sailburuaren falta kritikatu du, "sail horren parte-hartzea oso garrantzitsua baita gatazka hau konpondu ahal izateko".
Patronalek aurkeztutako dokumentuari dagokionez, "maiatzaren 8ko eta 9ko lanuzteen aurretik egin ziguten proposamenaren oso antzekoa da, eta orduan baztertu genuen", gogoratu du.
Nobedade bakarra soldatari buruzko puntuan dagoela esan du, baina ohartarazi du ez dela nahikoa, langileen aldarrikapenetik "oso urrun" dagoelako.
Horrenbestez, "hurrengo bilerara urratsak ematea ahalbidetuko duen proposamen berri bat" ekartzeko eskatu die patronalei.
Nolanahi ere, sindikatuek udan negoziatzen jarraitzeko borondatea daukatela berretsi du, lan-gatazka honi behin betiko irtenbidea emateko asmoz.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.