Bertan behera utzi dute Loiuko aireportuan igande honetarako deituta zegoen greba
Bertan behera geratu da Aena aire konpainiako langileek igande honetarako, uztailak 7, Loiuko aireportuan deituta zuten lanuztea. Sindikatuek gaur egin dute bilera zuzendaritzarekin, eta eskari guztiak onartu ez badira ere, datorren astean negoziatzen jarraitzea adostu dute. Enpresak berak jakinarazi du albistea Twitter sare sozialaren bidez, eta ondoren, langileen batzordeak berretsi egin du ohar batean.
Loiuko aireportuko sindikatuek nabarmendu dutenez, enpresaren proposamena “ez da nahikoa”, baina zuzendaritzaren “borondate ona” ikusita, biharko iragarrita zegoen lanuztea bertan behera uztea erabaki dute. Dena dela, lan-gatazka konpontzen ez den bitartean, indarrean jarraituko dute uztailerako, abuzturako eta irailerako deitutako 16 greba-egunak.
Enpresa batzordeak ohar batean azaldu duenez, patronalak proposamen bat helarazi die larunbat honetan, ostiralean aireportu horretako zuzendaritzarekin bildu ostean. “Bertan, langileek hasieratik mahai gainean jarri dituzten eskari batzuk jaso dituzte”, sindikatuek azaldu dutenez. Besteak beste, bezeroaren arreta zerbitzuan lan-gainkarga jaisteko eta behin-behineko lanpostuak dituzten beharginei lanpostu finkoak errazteko neurriak adosteko prest agertu da Aena.
Langileen iritzian, aire konpainiaren "proposamena ez da nahikoa", baina negoziazio bati ekitea da haien helburua eta hori hartu dute kontuan, "betiere, aireportuko erabiltzaileak ahalik eta gutxien kaltetzeko helburuarekin".
Era berean, lan-gatazka honetan “kanpoko zenbait eragilek egindako ekarpena” nabarmendu du enpresa batzordeak, eta Loiuko aireportuan sortutako “gatazka larriarekin” amaitu dezakeen “negoziaziorako borondateari eusteko” eskatu dio zuzendaritzari.
Halaber, lantaldea handitzea eta langileen lan baldintzak eta kontziliazioa hobetzea eskatzen du CCOO, ELA, LAB eta USO sindikatuek osatzen dute greba batzordeak.
Bi aldeak datorren asteazkenean elkartuko dira berriro, “bide onetik” hasi den negoziazioarekin jarraitzeko. Ildo horretatik, zuzendaritzak aurreratu du erabakitzeko ahalmena duten bitartekariak bidaliko dituela bilerara bere ordez.
Grebak ez die aire-kontrolatzaileei eragingo (Enaireren mendekoak dira), ezta enpresa azpikontratatuetan lan egiten duten langileei ere.
Egun hauetan egingo dute greba: uztailaren 14an, 15ean, 21ean, 24an, 25ean, 28an eta 31n; abuztuaren 1ean, 4an, 11n, 14an, 15ean, 18an, 25ean eta 31n; eta azkenik, irailaren 1ean.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.