Bilboko Aireportuko langileek lanuzteei berrekingo diete
Loiuko aireportuan uda osoko mobilizazio egutegiari eutsi egiten diote langileek, gaur Aenarekin izandako bilerak porrot egin ondoren. Ez dira akordio batera heldu, eta langileek lanuzteei berrekingo dietela iragarri dute. Hala, datorren igandean, uztailak 14, greba egingo dute.
Langileen batzordearen iritzian, gaur zuzendaritzak mahai gainean jarri dien eskaintzak ez dakar ezer berririk eta "adarjotze bat" izan da. "Argi dago ez dutela akordiorako borondaterik", esan dute beharginek.
Iker Gonzalo (CCOO) langile batzordeko presidenteak adierazi duenez, "batzarra oso gaizki joan da, ez dutelako ezer berririk ekarri eta ez dutelako negoziatzeko borondaterik erakutsi; azkeneko bileran baztertutako gauza bera aurkeztu digute gaur".
"Ekintzak gogortzea pentsatzen ari gara, hau guztia adarjotze bat delako. Igandeko greba bertan behera utzita, Madriletik beste solaskide batzuk etorriko zirela eta aireportuko zuzendaritzak hartu ezin omen dituen erabakiak hartzeko ahalmena izango zutela pentsatzen genuen, baina 'hau da dagoena' esan digute", salatu du.
"Aireportuko jardunerako segurtasunaz edo lan zamaz zein iritzi daukaten galdetu diegunean, zenbait arlo edo departamentutan jendea sobran dagoela erantzun digute, eta hori akabua izan da", kritikatu du.
Gauzak horrela, greba-batzordea asteazken honetan bertan bilduko da eta protestak areagotzea aztertuko dute. Oraingoz lanuzteei eutsiko dietela baieztatu dute, "langileen babesa daukagulako".
Amaitzeko, Iker Gonzalo herritarrei zuzendu zaie, grebaren arrazoiak ulertzeko eskatuz eta ardura Aenarena dela azpimarratuz, "negoziatzeko inolako asmorik ez duelako".
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.